२०८२ चैत्र १२ गते बिहिवार
२०८२ चैत्र १२ गते बिहिवार
काठमाडौं । कालिन्चोक हाइड्रोपावर लिमिटेडले चैत २२ गतेदेखि आईपीओ निष्काशन गर्ने भएको छ। बिक्री प्रबन्धकमा आरबीबी मर्चेन्ट बैंकिङ रहेको छ।
कम्पनीले आयोजना प्रभावित क्षेत्रका स्थानिय बासिन्दा तथा वैदेशिक रोजगारीमा रहेका नेपालीहरुका लागि निष्काशन गरेको आईपीओ बाँडफाँटपछि अब सर्वसाधारण लगानीकर्ताहरुका लागि आईपीओ निष्काशन गर्न लागेको हो।
कम्पनीले दोस्रो चरणमा सर्वसाधारणका लागि १०० रुपैयाँका दरका कुल १३ लाख ७५ हजार कित्ता आइपीओ बिक्री गर्न नेपाल धितोपत्र बोर्डबाट अनुमति पाएको थियो।
पहिलो चरणमा ५ लाख ५० हजार कित्ता आयोजना प्रभावितका लागि र ८२ हजार ५०० कित्ता वैदेशिक रोजगारीमा रहेका नेपालीका लागि जारी गरिसकिएको छ।
अब कम्पनीले बाँकी रहेको कित्तामध्ये ४१ हजार २५० कित्ता सामूहिक लगानी कोषका लागि र १६ हजार ५०० कित्ता कम्पनीमा कार्यरत कर्मचारीका लागि छुट्याएको छभने बाँकी रहेको ६ लाख ८४ हजार ७५० कित्तामा सर्वसाधारणले आवेदन दिन पाउनेछन्।
यो आइपीओमा सर्वसाधारणले न्यूनतम १० कित्ता र अधिकतम १० हजार कित्ताका लागि आवेदन दिन सक्नेछन्। आइपीओको निष्कासन बन्द छिटोमा चैत २५ गते र ढिलोमा आउँदो वैशाख ६ गते हुने भएको छ।
लगानीकर्ताले धितोपत्र बोर्डबाट अनुमति प्राप्त सी-आस्बा सेवामा सहभागी बैंक तथा वित्तीय संस्थाहरु र तिनले तोकेका शाखा कार्यालयका साथै सीडीएससीको मेरो शेयबाट आवेदन दिन सक्नेछन्।
© 2026 All right reserved to khabarcnter.com | Site By : Sobij
