२०८२ भाद्र २ गते सोमवार
२०८२ भाद्र २ गते सोमवार
काठमाडौं । जनता समाजवादी पार्टीका महन्थ ठाकुरको नेतृत्वमा रहेको समूहका पाँच नेता आज मन्त्री बन्ने निश्चित भएको छ । राजेन्द्र महतोले उपप्रधानमन्त्रीसहित वाणिज्य तथा आपूर्ति मन्त्रालयको जिम्मेवारी प्राप्त गर्ने स्रोतले जनाएको छ ।
त्यसैगरी शरतसिंह भण्डारी उर्जा जलस्रोत तथा सिचाई, विमल श्रीवास्तव खानेपानी मन्त्रालय, अनिल झा शहरी विकास मन्त्री र उमाशंकर अरगरिया युवा तथा खेलकुद मन्त्री बन्ने निश्चित भएको स्रोतले जनाएको छ ।
‘आजै साँझसम्म उहाँहरुले सपथग्रहण गर्ने कार्यक्रम रहेको छ,’ स्रोतले भन्यो । आफूलाई खेलकुद मन्त्रालय दिएकोमा अरगरिया भने सन्तुष्ट नरहेको स्रोतको भनाइ छ ।
ठाकुर पक्षबाट मन्त्री बन्ने तय भएको भनिएका ५ जना प्रत्यक्ष निर्वाचित सांसद हुन् । राजेन्द्र महतो धनुषा ३ बाट, शरतसिंह भण्डारी महत्तरी २, उमाशंकर अरगरिया धनुषा ३, विमल श्रीवास्तव पर्सा २ र अनिलकुमार झा रौतहट १ बाट प्रतिनिधि सभामा निर्वाचित भएका हुन् ।
© 2025 All right reserved to khabarcnter.com | Site By : Sobij
