२०८२ फाल्गुण २३ गते शनिवार
२०८२ फाल्गुण २३ गते शनिवार
तनहुँ । तनहुँ-१ को चुनावी सरगर्मी बढिरहेका बेला स्वतन्त्र उम्मेदवार सन्देश लौडारीले आफ्नो उम्मेदवारी त्याग गरी नेपाली कांग्रेसका उम्मेदवार गोविन्द भट्टराईलाई समर्थन गर्ने घोषणा गरेका छन् ।
कुनै पनि किसिमको अवसरवादको पछि नलागी इमानदार नेतालाई सहयोग गर्नु नै आजको आवश्यकता रहेको महसुस गर्दै आफू कांग्रेसमा प्रवेश गरेको लौडारीले स्पष्ट पारेका छन् । उनले भट्टराईको जीत सुनिश्चित गर्न आफ्नो समूहको करिब एक हजार ६ सय मत पूर्ण रूपमा सहयोग हुने दाबीसमेत गरे।
आफू युवा अवस्थादेखि नै भ्रष्टाचार विरोधी अभियानमा सक्रिय रहेको चर्चा गर्दै भट्टराईले अहिलेको नयाँ पुस्ताको मुख्य माग सुशासन, भ्रष्टाचारको अन्त्य र स्वदेशमै रोजगारीका अवसर सिर्जना गर्नु रहेको र त्यसलाई नै आफूले प्रमुख प्राथमिकतामा राखेको प्रतिबद्धता व्यक्त गरे ।
भट्टराईले भने, ‘हिजोदेखि नै जेनजी युवाको मागलाई उठाउँदै सङ्घर्षको मैदानमा लड्दै आएको छु, तपाईंहरुको विश्वासलाई गुम्न तनहुँको विकासको लागि युवासँगै हातेमालो गरी अघि बढ्ने छु ।’
© 2026 All right reserved to khabarcnter.com | Site By : Sobij
