Logo

२०८२ भाद्र १४ गते शनिवार

२०८२ भाद्र १४ गते शनिवार

गालीगलौज गर्नेको आइडी गायक रामकृष्ण ढकालले पनि गरे सार्वजनिक

गालीगलौज गर्नेको आइडी गायक रामकृष्ण ढकालले पनि गरे सार्वजनिक


  • 1.3K
    Shares

    गालीगलौज गर्नेको  आइडी गायक रामकृष्ण ढकालले पनि गरे सार्वजनिक
    images

    काठमाडौं । गायिका एलिना र समीक्षाको ‘प्रतिरोध अभियान’लाई समर्थन गर्दै गायक रामकृष्ण ढकालले पनि गालीगलौज गर्ने आइडी सार्वजनिक गरेका छन्।

    उनले मंगलबार ४ वटा सामाजिक सञ्जालका आइडी सार्वजनिक गरेका छन्। उनले फेसबुकमा लेखेका छन्, ‘कलाकार भएर ताली र गाली दुबै पचाउँदै आउने क्रममा भएको अत्याचारको पराकाष्ठाको केही नमुना सार्वजनिक गर्दैछु । अति भयो, सहनै सकिएन यो हदसम्मको अपमान।’

    उनले थपेका छन्- यी सबै कुरा मनन गरेर मैले यी तस्वीर सार्वजनिक गरेको छु। यी यस्ता केही अपराधी हुन् जसमध्ये केहीले ७ वटा भन्दा बढी फेक आइडी बनाई अत्याचार गरिरहेका छन्। केहीले त रियल आइडीबाटै यो अपराध गरिरहेका थिए। यिनीहरूमध्ये केही अहिले प्रहरीको हिरासतमा छन भने केही निगरानी र खोजीको सूचीमा छन्।’

    आफूविरुद्ध सामाजिक सञ्जालमा आउने अमर्यादित र अशिष्ट गालीलाई समेटेर आफूले साइबर ब्युरोमा उजुरी दिएको समेत ढकालले उल्लेख गरेका छन्।

    जीवनमा संघर्ष गरेर जनतालाई मनोरञ्जन दिएका कलाकारमाथि बर्सिने तुच्छ गालीको असर उनीहरूको जीवनमा पर्ने र यसबारे सबैजना गम्भीर हुनुपर्ने पनि रामकृष्णले उल्लेख गरेका छन्।

    मुलुकमा सजाय दिने कानुन हुँदाहुँदै सामाजिक सञ्जालबाट अमर्यादित टिप्पणी गर्नु उचित नहुने उनको धारणा छ । कलाकारमाथिको प्रहारले उनीहरूको प्रस्तुति र सिर्जनामाथि असर परिरहेको बताउँदै रामकृष्णले समाज र राष्ट्रले नै गम्भीर असर भोगिरहेकोतर्फ ध्यानाकर्षण समेत गराएका छन् ।

    ‘मैले ममाथि बर्सिएका गालीहरू सप्रमाण सम्बन्धित निकायमा पेश गरेको छु । यहाँ उल्लेख गर्न सकिन कारण त्यसो गर्न लाज त लजायो नै, मर्यादाले पनि दिएन,’ उनले भने।

    पछिल्लो समय एलिना र समीक्षाको ‘प्रतिरोध अभियान’लाई समर्थन गर्दै आफूमाथि घृणाजन्य अभिव्यक्ति दिनेका विरुद्ध सामाजिक सञ्जालमार्फत बोल्न थुप्रै कलाकार छन्।

    प्रकाशित मिति :आषाढ ३१ २०८२ मंगलवार - १२:१९:३२ बजे
    प्रतिक्रिया

    खबरसेन्टर

    Admin Of Khabar Center.

    सम्बन्धित समाचार

    © 2025 All right reserved to khabarcnter.com | Site By : Sobij