२०८३ बैशाख ९ गते बुधवार
२०८३ बैशाख ९ गते बुधवार
काठमाडौं । शुक्रबारबाट प्रदर्शनमा आउने फिल्म ‘परालको आगो’को अग्रिम टिकट बिक्री खुलेको छ। फिल्मको बुधबार बिहानदेखि देशभरका हलले अग्रिम बुकिङ खुलाएका हुन् ।
अहिले देशव्यापी रुपमा फिल्मले एक सयभन्दा बढी शो पाएको छ । दर्शकको उत्साहलाई ध्यानमा राखी हलवालाले यो फिल्मलाई उच्च शो दिएका छन् । दर्शकको बुकिङको आधारमा शो थपघट हुनेछ ।
गुरु प्रसाद मैनालीको अमर कृति ‘परालको आगो’बाट प्रेरित फिल्ममा सुहाना थापा, सौगात मल्ल, प्रकाश सपुत, सिर्जना अधिकारी, शंकर आचार्य, किशोर भण्डारी, ज्याक श्रेष्ठ, सरिता भण्डारी, रेणु न्यौपाने र बालकलाकार मन्जिला बानियाँलगायतको अभिनय छ ।
हरि ॐ सिने मेकर्स प्रा।लिको ब्यानरमा निर्माण भएको यस फिल्म सुशील पोखरेलले निर्माण गरेका हुन् । सुलभी पोखरेल र सत्यम पोखरेल समेत निर्माता रहेको फिल्मलाई स्वदेशमा आर आर फिल्मसले वितरण गर्दैछन।
© 2026 All right reserved to khabarcnter.com | Site By : Sobij
