२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । चालु आर्थिक वर्षको माघसम्म ४ लाख ३३ हजार करदाता वृद्धि भएको छ।
अर्थ मन्त्रालयलको अनुसार स्थायी लेखा नम्बर लिएको करदाताको संख्या ६६ लाख ५९ हजार ८ सय ३६ पुगेको छ। करकट्टी गर्ने निकायले लिएको स्थायी लेखा नम्बर०.५ प्रतिशत, कुल स्थायी लेखा नम्बरमा व्यावसायिक स्थायी लेखा नम्बर ३०.२ प्रतिशत, र व्यक्तिगत स्थायी लेखा नम्बरको ६९.३ प्रतिशत रहेको छ।
आर्थिक वर्ष २०८०/८१ को माघसम्ममा कुल ४ लाख २६ हजार ३ सय ३० स्थायी लेखा नम्बर लिएको करदाता थप भएकोमा चालु आर्थिक वर्षको सोही अवधिमा कुल ४ लाख ३३ हजार ७ सय ३ करदाता थप भएको छ। करमा दर्ता भएको करदाता ३ लाख ४१ हजार ७ सय १६ र अन्तःशुल्कमा दर्ता हुने करदाताको संख्या १ लाख २३ हजार १ सय ३२ पुगेको छ।
सरकारले चालु आर्थिक वर्षमा १४ खर्ब १९ अर्ब राजस्व संकलन गर्ने लक्ष्य लिएकोमा चैत्र ८ सम्म लक्ष्यको ७ खर्ब ३७ अर्ब संकलन गरेको महालेखा नियन्त्रक कार्यालयको तथ्यांकमा उल्लेख छ।
© 2025 All right reserved to khabarcnter.com | Site By : Sobij
