२०८२ आश्विन २७ गते सोमवार
२०८२ आश्विन २७ गते सोमवार
काठमाडौँ । नेकपा एमालेका वरिष्ठ नेता माधव कुमार नेपालले प्रधानमन्त्री एवम् पार्टी अध्यक्ष केपी शर्मा ओलीसँग अब मिलेर जान नसकिने बताएका छन् ।
सीमित पत्रकारहरूसँग अनौपचारिक कुराकानीका क्रममा उनले नेकपा माओवादी केन्द्रसँग एकता गर्नु पूर्वको एमाले जस्तो थियो, अहिले पनि त्यही हुनुपर्ने समेत दावी गरेका छन् ।
नेता नेपालले आफूले अर्को धार बनाएपनि कसरी जाने भन्नेबारे छलफल भइरहेको बताए । उनले आफूहरूसँग नेपाल कम्युनिस्ट पार्टीका महासचिव नेत्रविक्रम चन्द विप्लव, मोहन विक्रम सिंहलगायतका नेताहरू पनि जोड्न प्रयत्न गर्ने बताए ।
नेता नेपालले सर्वोच्च अदालतले फैसला गरिसकेपछि ओलीले फोन गरेर छलफल गर्छन् होला भन्ने सोचपनि अहिलेसम्म फोन नआएको बताए ।
उनले भने,‘म आफैं नेता भएको भए जसरी हुन्छ मिलाउँथे । उहाँले हिजो जसरी निर्णय गर्नुभयो लगभग सहमतिको बाटो बन्द भएको छ । अब साथीहरुले जिल्लादेखि माथिसम्म साथ दिन अठोट व्यक्त गरिसक्नु भएको छ ।’
नेता नेपालले चमत्कारै भयो भने मात्रै नत्र ओलीसँग सहकार्य नहुने दावी पनि गरे ।
© 2025 All right reserved to khabarcnter.com | Site By : Sobij
