राष्ट्रपति विद्यादेवी भण्डारी आज कर्णाली स्वास्थ्य विज्ञान प्रतिष्ठान जुम्ला जानु लाग्नुभएको छ। कर्णाली स्वास्थ्य विज्ञान प्रतिष्ठान शिक्षण अस्पताल जुम्लामा एमबिबीएसलगायतका शैक्षिक कार्यक्रमको शुभारम्भ गर्न राष्ट्रपति भण्डारी जुम्ला जान लाग्नुभएको हो ।
उहाँ आज ११ बजे नेपाली सेनाको हेलिकप्टरबाट जुम्ला जाने कार्यक्रम रहेका कर्णाली स्वास्थ्य विज्ञान प्रतिष्ठानले जानकारी दिएको छ । राष्ट्रपतिले प्रतिष्ठानमा बन्न लागेको क्वार्टर र एकेडेमिक भवनको शिलान्यास समेत गर्ने प्रतिष्ठानका रजिष्ट्रार नृपेन्द्र महतले जानकारी दिए ।
कार्यक्रममा स्वास्थ्यमन्त्री विरोध खतिवडा र शिक्षामन्त्री देवेन्द्र पौडेल जाने भने पनि उहाँहरु भने नजाने महतको भनाइ छ। एक दशकअघि स्थापना भएको प्रतिष्ठानमा यसै वर्षदेखि एमबीबीएसको पढाइ सुरु भएको छ ।
