२०८२ मंसिर ७ गते आइतवार
२०८२ मंसिर ७ गते आइतवार
काठमाडौं । स्ट्याण्डर्ड चाटर्ड बैंकले वार्षिक साधारणसभा बोलाउने निर्णय गरेको छ । बैंकको सञ्चालक समितिको बैठकले मंसिर २९ गते काठमाडौंको भद्रकालीमा रहेको आर्मी अफिसर्स क्लबमा बिहान १० बजेदेखि सभा आयोजना गर्ने निर्णय गरेको हो ।
उक्त सभामा आर्थिक वर्ष २०८१\८२ का लागि प्रस्तावित १९ प्रतिशत नगद लाभांश (करसहित) वितरणको प्रस्ताव पारित गरिने भएको छ । सञ्चालक समितिको वार्षिक प्रतिवेदन उपर छलफल गरी पारित गर्ने, लेखापरीक्षकको प्रतिवेदन सहितको आव २०८१\८२ को वार्षिक वित्तीय विवरण, वासलात, आव २०८१\८२ को नाफा नोक्सान हिसाब र सोहि अवधिको नगद प्रवाह विवरण, ईक्विटीमा भएको परिवर्तन सम्बन्धी विवरण लगायत वार्षिक वित्तीय विवरणसँग सम्बद्ध अनुसूचीहरूमाथि छलफल गरी पारित गर्ने प्रस्ताव रहेको छ ।
लाभांश वितरण तथा साधारण सभा प्रयोजनका लागि बैंकले मंसिर १६ गते एक दिनका लागि बुक क्लोज गर्ने निर्णय गरेको छ । यसर्थ मंसिर १५ गतेसम्म नेप्सेमा कारोबार भई कायम हुने सेयरधनीहरु मात्रै कम्पनीको सभामा सहभागी हुन र लाभांश पाउन योग्य हुनेछन् ।
© 2025 All right reserved to khabarcnter.com | Site By : Sobij
