२०८२ भाद्र २ गते सोमवार
२०८२ भाद्र २ गते सोमवार
काठमाडौं । संघीय संसदका सभामुख अग्निप्रसाद सापकोटाले कोभिडसिल्ड खोपको दोस्रो डोज लगाएका छन् ।
संघीय संसद भवन नयाँ बानेश्वरमा पुगी सभामुख सापकोटाले कोभिडसिल्डको दोश्रो डोज लगाएका हुन् । संसद सचिवालयले नयाँ बानेश्वर स्थिति संघीय संसद भवनको लोत्से हलमा आज शुक्रबार, शनिबार र आईतवारका लागि खोपको दोस्रो डोज लगाउने व्यवस्था मिलाएको हो ।
शुक्रवारका लागि प्रतिनिधिसभाका सभामुख, राष्ट्रियसभाका अध्यक्ष, उपाध्यक्ष लगायत दुवै सदनका सांसदहरु, पदाधिकारीहरुका निजी सजिवालयका सबै कर्मचारीका लागि खोप लगाउने व्यवस्था मिलाईएको छ । लोत्सेहलमा भएको खोप कार्यक्रममा सांसदहरु, पदाधिकारीहरुका निजी सचिवालयका कर्मचारी, सुरक्षाकर्मी लगायतले कोभिडसिल्डको दोस्रो खोप लगाएका छन् ।
बिहान १० बजे देखि ४ बजे सम्म खोप लगाईने सचिवालयले जनाएको छ । त्यसैगरी भोली शनिबार संघीय संसद सचिवालयका सम्पुर्ण कर्मचारीहरु,अन्तराष्ट्रिय सम्मेलन केन्द्र र नयाँवानेश्वरमा कार्यरत सम्पुर्ण कर्मचारीहरुलाई र आईतबार स्वकीय सचिव लगायतका सबै कर्मचारीहरु, मर्यादापालक, सुरक्षा संग सम्बन्धीत सबै कर्मचारी, संसदीय मामिलाका सबै पत्रकारहरुलाई खोपको दोश्रो डोज लगाईने छ ।
© 2025 All right reserved to khabarcnter.com | Site By : Sobij
