२०८२ भाद्र २ गते सोमवार
२०८२ भाद्र २ गते सोमवार
काठमाडौं । जनता समाजवादी पार्टी (जसपा) आगामी सत्ता समीकरणका लागि निर्णायक बनेको छ । एकातिर नेकपा एमाले र अर्कोतिर माओवादी केन्द्रको तानातानमा जसपा छ । महन्थ ठाकुर र राजेन्द्र महतो केपी ओलीको एमालेलाई साथ दिने पक्षमा छन् भने उपेन्द्र यादव र बाबुराम भट्टराई प्रचण्डको नेतृत्वमा नयाँ सरकार बनाएर सत्तामा जानुपर्ने हिसाबमा क्रियाशील भएका छन् ।
जसपामा सत्ता समिकरणका लागि द्वन्द उत्पन्न भएका बेला छिमेकी चीनले पनि खेल्न थालेको छ । जसपाका एक उच्च नेताका अनुसार जसपा फुटाउन चिनियाँ राजदूतको सक्रियता बढेको छ । राजदूत होउ यान्छीले प्रचण्डतिर समर्थनमा रहेका उपेन्द्र यादवलाई पार्टी फुटाउने जिम्मा दिएकी छन् ।
रेशम चौधरीलाई रिहा गर्न तयार भएका प्रधानमन्त्री केपी ओली र रिहालाई मुख्य मुद्दा मानेर ओलीसँग सहमतिको नजिक पुगिसकेका महन्थ ठाकुर र राजेन्द्र महतो बिरुद्ध उपेन्द्र यादवको सक्रियता त्यसै भएको होइन् । यादबले रेशमको रिहाई रोक्न, ओलीसँगको सहमति भाड्न र आबश्यक परे जनता समाजवादी पार्टीलाई विभाजन गर्न समेतका गतिबिधिहरुको लागि चिनियाँ दूतावासबाट करिब ८ करोड रुपैयाँ लिएको बुझिएको छन् । यो पैसा सांसदहरुलाई आफूतिर मिलाउन तान्नका लागि भएको बुझिएको छ ।
हप्तैपिच्छे चिनियाँ राजदूत यान्छीसँगको भेटवार्तामा यादवले ओली बिरुद्ध माहोल बनाउनुका साथै छिट्टै ओलीलाई पदच्यूत गर्ने तथा महतो र ठाकुरको सक्रियतामा मधेसका मुद्दा सम्बोधन हुन नदिने भन्दै आश्वस्त पार्दै आएका छन् ।
प्रधानमन्त्री ओलीको नेतृत्व र ठाकुर र महतोको सक्रियतामा मधेस मुद्दा सम्बोधन भई रेशम चौधरी रिहा हुँदा आफ्नो राजनीति नै सिद्धिने डरले यादव प्रचण्ड माधव समूह र चिनियाँहरुको शरणमा पुगेका हुन् ।
यसअघि पनि संसद विघटनपछि मधेसमा आन्दोलन चर्काउन उपेन्द्रलाई चीनबाट लाखौं पैसा आएको थियो । साथै प्रचण्डको नेतृत्वको सरकारमा गृहमन्त्रीको आश्वासन दिइएको थियो ।
© 2025 All right reserved to khabarcnter.com | Site By : Sobij
