२०८२ फाल्गुण २४ गते आइतवार
२०८२ फाल्गुण २४ गते आइतवार
काठमाडौं । राष्ट्रिय स्वतन्त्र पार्टीका सभापति एवं प्रतिनिधि सभा सदस्य रवि लामिछानेले भारतीय लेखकले नेपालको बारेमा गलत विषय लेखेको कुरा गन्तीमा राख्न लायक नरहेको टिप्पणी गरेका छन् ।
‘आदिपुरुष’ भारतीय चलचित्रको सन्दर्भलाई जोड्दै उनले नेपालको सार्वभौमिकता, अखण्डता इतिहासमा स्वर्ण अक्षरमा लेखिईसकेको बताएका हुन् ।
‘कुनै दुईचार कौडीको भारतीय लेखकले हाम्रा विषयमा गलत कुरा भन्यो भन्दैमा त्यसलाई हामीले कुनै गन्तीमा राख्न पर्दैन । नेपालको सार्वभौमिकता, नेपालको अखण्डता इतिहासमा लेखिएको छ । स्वर्ण अक्षरमा लेखिईसकेको छ । हामी हाम्रो सार्वभौमिकता र भौगोलिक अखण्डतामा गर्व गर्दछौं,’उनले भने ।
काठमाडौं महानगर प्रमुख बालेन्द्र शाहले नेपालको बारेमा गलत सन्देश प्रवाह हुने गरी तयार भएको भारतीय फिल्म महानगर क्षेत्रका हलमा चल्न नदिने उद्घोण गरेका थिए । उनको उक्त उद्घोषसँग उच्च अदालतमा मुद्दा दायर भएको थियो ।
उक्त अदालतले फिल्म चल्न दिनु भन्ने आदेश जारी गरेपछि बालेनले आफू जस्तोसुकै पनि सजाय भोग्न तयार रहेको तर अदालतको गलत निर्णय नमान्ने बताएका थिए ।
© 2026 All right reserved to khabarcnter.com | Site By : Sobij
