काठमाडौँ । मन्त्रिपरिषद् बैठक सिंहदरवारमा बस्दै छ ।
सरकारको नीति तथा कार्यक्रम अनुमोदन गर्न दिउँसो १२ बजे बस्ने गरी प्रधानमन्त्री पुष्पकमल दाहाल प्रचण्डले मन्त्रिपरिषद् बैठक बोलाएका हुन् ।
आर्थिक वर्ष २०८०–८१ को नीति तथा कार्यक्रम प्रस्तुत गर्ने सरकारको कार्यक्रम अन्तर्गत राष्ट्रपति रामचन्द्र पौडेलले आज अपराह्न ४ बजे प्रतिनिधिसभा र राष्ट्रियसभाको संयुक्त बैठकमा नीति तथा कार्यक्रम प्रस्तुत गर्दै छन् ।
आजको बैठकमा थप केही निर्णयहरू पनि हुन सक्ने सिंहदरवार स्रोतले जानकारी गराएको छ ।
