चिनियाँ एयरलाइन्स कम्पनी सिचुवान एयरलाइन्सको हवाई सेवा पुनः सुचारु

फाल्गुण २४, २०७९ बुधवार

1.6K

चिनियाँ एयरलाइन्स कम्पनी सिचुवान एयरलाइन्सको हवाई सेवा पुनः सुचारु

चिनियाँ एयरलाइन्स कम्पनी सिचुवान एयरलाइन्सले त्रिभुवन अन्तर्राष्ट्रिय विमानस्थलमा आफ्नो निर्धारित उडान पुनः सुचारु गर्ने भएको छ । सिचुवान एयरलाइन्सले चैत ६ देखि चेङ्दुबाट साताको ४ उडान गर्नेछ।

सिचुवानको जहाजले त्रिभुवन अन्तर्राष्ट्रिय विमानस्थल काठमाडौँबाट सोमबार, बुधवार, शुक्रबार र आइतबार स्थानीय समय अनुसार १५ः३५ बजे उडान भर्नेछ भने चेङ्दु अन्तर्राष्ट्रिय विमानस्थलमा स्थानीय समय अनुसार रातिको २१ः०० बजे अवतरण गर्नेछ ।

नेपाली बजारमा अस्ट्रेलिया र जापान भ्रमणका लागि हालको उच्च मागलाई ध्यानमा राख्दै सिचुवान एयरलाइन्सले काठमाडौंदेखि मेलबर्नसम्म एकतर्फी भाडा रु.७९,९९९/- र काठमाडौंदेखि नारिता सम्म एकतर्फी भाडा रु.६५,९९९/- रहेको कम्पनीले जनाएको छ । त्यस्तै उडानमा ४६ केजी चेक–इन लगेज र ७ केजी ह्यान्ड क्यारी लान मिल्ने पनि कम्पनीले जनाएको छ । यो हवाई सेवाको शुरुवातसँगै, मेलवर्नसम्म यात्रा गर्ने यात्रुहरुले अब चेङ्दुमा ४ घण्टा ३० मिनेट मात्रको छोटो समय ट्रान्जिट रहेकोले लामो समय ट्रान्जिटमा बस्नुनपर्ने भएको छ।

प्रकाशित मिति :फाल्गुण २४ २०७९ बुधवार - १७:०६:५० बजे

प्रतिक्रिया