२०८२ मंसिर ५ गते शुक्रवार
२०८२ मंसिर ५ गते शुक्रवार
वाणिज्य बैंकहरुमा निक्षेप संकलन वृद्धि भएको छ । बैंकहरुमा निक्षेप दुई दिनमै १३ अर्ब बढीले वृद्धि भएको छ ।
नेपाल बैंकर्स संघका अनुसार माघ २७ गतेदेखि २९ गते (दुई दिनमै) थप १३ अर्ब ९३ करोड रुपैयाँ निक्षेप संकलन भएको हो ।
बैंकर्स संघका अनुसार माघ २९ गते निक्षेप बढेर ४७ खर्ब ४१ अर्ब रुपैयाँ पुगेको छ । गत माघ २७ गते भने बैंकहरुले ३ अर्ब ७९ करोड रुपैयाँ निक्षेप संकलन गरेका थिए । सो दिनसम्म बैंकहरुले ४७ खर्ब २७ अर्ब रुपैयाँ निक्षेप संकलन गरेका हुन् ।
सो अवधिमा बैंकहरुको कर्जा प्रवाह पनि वृद्धि भएको छ । दुईदिनमै बैंकहरुले थप ३ अर्ब ३८ करोड रुपैयाँ कर्जा लगानी गरेका हुन् । योसंगै माघ २९ गतेसम्म बैंकहरुको कर्जा प्रवाह ४२ खर्ब ९० अर्ब रुपैयाँ कायम भएको छ । यसअघि अर्थात माघ २७ गते भने बैंकहरुको कर्जा प्रवाह ४२ अर्ब ८७ करोड रहेको छ ।
© 2025 All right reserved to khabarcnter.com | Site By : Sobij
