२०८२ मंसिर १३ गते शनिवार
२०८२ मंसिर १३ गते शनिवार
धौलागिरि लघुवित्तको आइपिओ बुधबार बाँडफाँट हुने भएको छ । धितोपत्र बिक्री प्रबन्धक सनराइज क्यापिटलको कार्यालयमा बिहान १० बजे आइपिओ बाँडफाँट हुने भएको हो ।
यो लघुवित्तको आइपिओको प्रि-अलटमेन्टको काम भने आइतबार नै सकिएको थियो । धौलागिरि लघुवित्तले गत २४–२९ साउनसम्म आइपिओ बिक्री गरेको थियो । संस्थाले १०० रुपैयाँ अंकित दरका कुल ३ लाख ३१ हजार कित्ता आइपिओ बिक्री खुला गरेको थियो ।
जसमा ५ प्रतिशतले हुन आउने १६ हजार ५५० कित्ता सामूहिक लगानी कोष र ५ हजार १५५ कित्ता सेयर कर्मचारीका लागि छुट्याइएको थियो । बाँकी ३ लाख ९ हजार २९५ कित्ताका लागि सर्वसाधारणले आवेदन दिएका छन् ।
निष्कासनको अन्तिम दिनसम्म यो आइपिओमा १९ लाख ५२ हजार ४६० जनाले २ करोड १७ लाख २१ हजार ५७० कित्ताका लागि आवेदन दिएका छन् ।
धौलागिरी लघुवित्तको आईपीओ गोलाप्रथाबाट बाँडफाँट हुनेछ । गोलाप्रथाबाट भाग्यमानी ३० हजार ९२९ आवेदकले १० कित्ताका दरले सेयर पाउने छन् । तिनै भाग्यमानीमध्ये थप ५ जनाले एकरएक कित्ता सेयर पाउनेछन् । यो आइपिओमा १९ लाख बढी आवेदकबाट हात खाली हुने देखिएको छ ।
© 2025 All right reserved to khabarcnter.com | Site By : Sobij
