२०८२ भाद्र ४ गते बुधवार
२०८२ भाद्र ४ गते बुधवार
प्रतिनिधिसभा सांसद पवित्रा निरौला खरेलले विद्यालय कर्मचारी र प्रारम्भिक बालविकास सहजकर्ता (इसीडी शिक्षक) को तलबबारे सरकारको ध्यानाकर्षण गराएकी छिन् ।
प्रतिनिधिसभाको आज बुधबार बसेको बैठकमा बोल्दै सांसद खरेलले विद्यालय कर्मचारी र इसीडी शिक्षकको तलब न्यून रहेको भन्दै सरकारको ध्यानाकर्षण गराएकी हुन् ।
उनले इसीडी शिक्षकको तलब दुई हजार रूपैयाँ बढाएर १० हजार पुर्याउँदा विद्यालय कर्मचारीको तलब यथावत् राख्नुको कारण सरकारसँग माग गरिन् ।
उनले भनिन्, ‘सरकारले चालु आर्थिक वर्षमा सामुदायिक विद्यालयमा कार्यरत बालविकास सहजकर्ता (इसीडी शिक्षक) को तलब दुई हजार रूपैयाँले वृद्धि गरि १० हजार पुर्याउँदा विद्यालय सहयोगी र विद्यालय लेखापालको १३ हजार पाँच सय यथावत् राखेको छ। सबै राष्ट्रसेवकको तलबवृद्धि हुँदा विद्यालय कर्मचारीको अति न्यून तलब यथावत् रहनुपर्ने कारण के हो ? यसको बारेमा म सरकारसँग सोध्न चाहन्छु ।’
इसीडी शिक्षक र विद्यालय कर्मचारीहरू अत्यन्तै न्यून पारिश्रमिकमा काम गरिरहेकाे भन्दै सांसद खरेलले उनीहरूको श्रमशोषण भइरहेको बताइन् । उनले इसीडी शिक्षक र विद्यालय कर्मचारीको तलबवृद्धि गर्न सरकारको गम्भीर ध्यानाकर्षण गराइन् ।
© 2025 All right reserved to khabarcnter.com | Site By : Sobij
