२०८२ मंसिर १३ गते शनिवार
२०८२ मंसिर १३ गते शनिवार
एभरेष्ट बैंकले बिक्री खुला गरेको २ अर्ब रुपैयाँ बराबरको ऋणपत्रमा आवेदन दिने म्याद थप भएको छ ।
गत साउन १८ गतेबाट बैंकले १ हजार रुपैयाँ अंकित दरका कुल २० लाख इकाई भएको ‘एभरेष्ट बैंक लिमिटेड ऋणपत्र–२०८५’ नामक ऋणपत्र बिक्री खुला गरेको हो । उक्त ऋणपत्रको निष्कासन बन्द छिटोमा साउन २२ गते हुने भनिएको थियो ।
तर, मागबमोजिम आवेदन नपरेका कारण अब यो ऋणपत्रमा भदौ १ गतेसम्म खरिद आवेदन दिन सकिने धितोपत्र बिक्री प्रबन्धक लक्ष्मी क्यापिटल मार्केटले जनाएको छ । यो अवधिमा मागभन्दा बढी आवेदन परेको खण्डमा कुनै पनि दिन सूचना प्रकाशित गरी निष्कासन बन्द गरिने पनि क्यापिटलले स्पष्ट पारेको छ ।
बैंकले कुल इकाईमध्ये १२ लाख इकाई ऋणपत्र व्यक्तिगत तवरबाट बिक्री गर्नेछ । बाँकी ८ लाख इकाई भने सर्वसाधारणका लागि बिक्री खुला गरिएको छ । जसमा ५ प्रतिशतले हुन आउने ४० लाख इकाई सामूहिक लगानी कोषका लागि छुट्याइएको छ । बाँकी ७ लाख ६० हजार इकाइमा सर्वसाधारणले खरिद आवेदन दिन सक्नेछन् ।
लगानीकर्ताले यो ऋणपत्रमा न्यूनतम २५ इकाइदेखि अधिकतममा १ लाख इकाईसम्म खरिद आवेदन दिन सक्नेछन् । लगानीकर्ताले नेपाल धितोपत्र बोर्डको इजाजतपत्र प्राप्त सी–आस्बा सेवामा सहभागी बैंक तथा वित्तीय संस्था र तिनको शाखा कार्यालयबाट आवेदन दिन सक्नेछन् । सीडीएससीको मेरो सेयरबाट पनि अनलाइन आवेदन दिन सकिनेछ ।
बैंकको यो ६ वर्षे अवधिको ऋणपत्र हो । यसमा लगानीकर्ताले वार्षिक १०.५० प्रतिशत ब्याज पाउनेछन् ।
© 2025 All right reserved to khabarcnter.com | Site By : Sobij
