२०८२ मंसिर १३ गते शनिवार
२०८२ मंसिर १३ गते शनिवार
एनआइसी एसिया बैंक र नेपाल लाइफ इन्सुरेन्सले बिक्रीमा ल्याएको आफ्नो स्वामित्वमा रहेको संस्थापक सेयर लिलामीमा आवेदन दिने आज साउन १९ गते अन्तिम दिन रहेको छ । एनआइसी एसिया बैंकको ७ लाख १७ हजार ९५० कित्ता र नेपाल लाइफको ५ लाख ९६ हजार ९२१ कित्ता सेयर बिक्रीमा आएको हो |
लगानीकर्ताले एनआइसीको सेयरमा प्रतिकित्ता न्यूनतम ४२५ रुपैयाँ र नेपाल लाइफको सेयरमा प्रतिकित्ता न्यूनतम ७०० रुपैयाँलाई मूल्य आधार मानेर वा सोभन्दा बढी मूल्य अंकित गरी बोलपत्र पेश गर्नुपर्नेछ । न्यूनतम १००० कित्तादेखि अधिकतम सबै कित्ताका लागि आवेदन दिन सकिनेछ ।
यसमा जो कोही व्यक्ति, संस्था वा कम्पनीले आवेदन दिन सक्नेछन् । यसमा बिक्री प्रबन्धक रहेको ग्लोबल आइएमई क्यापिटल नक्साल, काठमाडौंबाट आवेदन दिन सकिनेछ |
साथै, ग्लोबल आइएमई बैंकको विर्तामोड, विराटनगर, जनकपुर, वीरगञ्ज, हेटौंडा र नारायणगढ शाखाबाट आवेदन दिन सकिने कम्पनीले जनाएको छ । त्यस्तै, ग्लोबल आइएमई बैंकको पोखरा, बुटवल, बागलुङ, नेपालगञ्ज, सुर्खेत, घोराही, धनगढी र महेन्द्रनगर शाखाबाट पनि यसमा आवेदन दिन सकिनेछ |
© 2025 All right reserved to khabarcnter.com | Site By : Sobij
