२०८२ भाद्र ४ गते बुधवार
२०८२ भाद्र ४ गते बुधवार
शिक्षा तथा मानव स्रोत विकास केन्द्रले विद्यालयमा आइसीटी ल्याब र डिजिटल लाइब्रेरी व्यवस्थापनका लागि विशिष्टीकरण विवरण अनुसार नै काम अघि बढाउन निर्देशन दिएको छ।
केन्द्रले राष्ट्रपति शैक्षिक सुधार कार्यक्रम अन्तर्गत विनियोजित ६ लाख ५० हजार बजेटमा कम नहुने गरी कार्य सञ्चालन गर्न निर्देशन दिएको हो।
राष्ट्रपति शैक्षिक सुधार कार्यक्रम अन्तर्गत सुचना प्रविधी प्रयोगशाला निर्माण तथा व्यवस्थापनका लागि ४ हजार २३५ विद्यालयले केन्द्रमा प्रस्ताव पठाएकोमा २ हजार १०६ विद्यालय छनोटमा परेका थिए। छनोटमा परेका सबै विद्यालयलाई केन्द्रले मापदण्ड अनुसार नै प्रति विद्यालय ६ लाख ५० हजार उपलब्ध गराउन निर्देशन दिएको छ।
सरकारले आर्थिक बर्ष २०७८/७९मा राष्ट्रपति शैक्षिक सुधार कार्यक्रमकालागि ७ अर्ब ८५ करोड ५१ लाख रकम विनियोजन गरेको थियो।
© 2025 All right reserved to khabarcnter.com | Site By : Sobij
