२०८२ भाद्र ८ गते आइतवार
२०८२ भाद्र ८ गते आइतवार
फागुन महिनामा २७ वाणिज्य बैंकहरुमा २२ अर्ब निक्षेप थपिएको छ । सोही महिनामा तिनै बैंकले १७ अर्ब रुपैयाँ कर्जा विस्तार गरेका छन् । नेपाल बैंकर्स एसोसिएसनका अनुसार माघ मसान्तसम्म कुल ४३ खर्ब ११ अर्ब रुपैयाँ निक्षेप संकलन भएकोमा फागुन मसान्तसम्म ४३ खर्ब ३३ अर्ब पुगेको छ ।
त्यस्तै माघ मसान्तसम्म ४१ खर्ब ५५ अर्ब रुपैयाँ कर्जा प्रवाह भएकोमा फागुन मसान्तसम्म ४१ खर्ब ७२ अर्ब रुपैयाँ पुगेको छ । चालु आर्थिक वर्षको साउनदेखि फागुन मसान्तसम्म जम्मा १ खर्ब ३२ अर्ब मात्रै निक्षेप थपिएको छ । सोही अवधिमा ४ खर्ब ५१ अर्ब रुपैयाँ कर्जा विस्तार भएको छ ।
निक्षेपभन्दा कर्जाको विस्तार उच्च भएपछि हाल भने कर्जा प्रवाहका लागि बैंकहरुसँग लगानीयोग्य रकमको अभाव चुलिएको छ । असार मसान्तसम्म कुल ४२ खर्ब १ अर्ब निक्षेप संकलन भएको थियो भने ३७ खर्ब २१ अर्ब कर्जा विस्तार भएको थियो । फागुन मसान्तसम्म निक्षेप ४३ खर्ब ३३ अर्ब पुगेको छ भने कर्जा ४१ खर्ब ७२ अर्ब पुगेको छ ।
© 2025 All right reserved to khabarcnter.com | Site By : Sobij
