२०८२ माघ १३ गते मंगलवार
२०८२ माघ १३ गते मंगलवार
काठमाडौं । राष्ट्र निर्माण दलका अध्यक्ष समिम मियाँ अन्सारीले देशमै रोजगारी सिर्जना गरी युवा पलायन रोक्ने उद्देश्यसहित पार्टी गठन गरेको दाबी गरेका छन् । मंगलवार काठमाडौंमा आयोजित पार्टी प्रवेश कार्यक्रमलाई सम्बोधन गर्दै अध्यक्ष अन्सारीले सो दाबी गरेका हुन् ।
गुणस्तरीय शिक्षा, साक्षरता दरमा सुधार तथा सातै प्रदेशमा सस्तो र सर्वसुलभ स्वास्थ्य सेवा सुनिश्चित गर्ने पार्टीको प्रमुख एजेण्डा रहेको उनको भनाइ छ । रास्वपा परित्याग गरी पार्टी प्रवेश गरेका नेताहरुलाई पार्टीमा स्वागत गर्दै उनले नराष्ट्रिय स्वतन्त्र पार्टीलाई पूँजीवादी दलको संज्ञा दिएका छन्।
उनले पैसा कमाउन उद्देश्यले नभई देश र जनताको हितलाई केन्द्रमा राखेर काम गर्ने भएको कारण राष्ट्र निर्माण दलले मात्र मुलुकलाई निकाश दिनसक्ने दाबी पनि गरेका छन् ।
अन्सारीले भने, ‘देशमै रोजगारी सिर्जना गरी युवा पलायन रोक्ने उद्देश्यले यो पार्टीको गठन भएको हो । गुणस्तरीय शिक्षा प्रदान गर्दै साक्षरता दरमा सुधार ल्याउन यो पार्टीको गठन भएको हो । सात वटै प्रदेशमा सस्तो सर्वसुलभ स्वास्थ्य सेवा प्रदान गर्ने उद्देश्यले हामीले यो पार्टी गठन गरिएको हो । प्रत्येक उम्मेदवारसँग ५० हजार रुपैयाँ मागिएको छ । यो पार्टी पैसा कमाउने पार्टी होइन । हामी देश र जनतालाई शिरमा राखेर काम गर्छौँ ।’
मंगलवार राष्ट्रिय स्वतन्त्र पार्टी (रास्वपा) परित्याग गरी ताज मोहम्मद मियाँसहित दर्जन बढी नेता कार्यकर्ता राष्ट्र निर्माण दल प्रवेश गरेका छन् ।
© 2026 All right reserved to khabarcnter.com | Site By : Sobij
