२०८२ कार्तिक २६ गते बुधवार
२०८२ कार्तिक २६ गते बुधवार
काठमाडौं । सरकारले नागरिक बचतपत्र र वैदेशिक रोजगार बचतपत्रबाट ऋण उठाउन सुरु गरेको छ । सार्वजनिक ऋण व्यवस्थापन कार्यालयले मंगलबार यी बचतपत्र निष्काशन गर्दै आवेदनका लागि सार्वजनिक आह्वान गरेको हो ।
कार्यालयले २ अर्ब ५० करोड रुपैयाँ बराबरको नागरिक बचतपत्र र ५० करोड रुपैयाँ बराबरको वैदेशिक रोजगार बचतपत्र निष्कासन गरेको जनाएको छ भने नागरिक बचतपत्रको ब्याजदर ६.५ प्रतिशत र वैदेशिक रोजगार बचतपत्रको ब्याजदर ७.५ प्रतिशत हुने भएको छ । दुवै प्रकारको बचतपत्रको अवधि ५ वर्षको हुने भएको छ ।
यसका लागि मंसिर २८ गतेसम्म नेपाली नागरिक र गैर आवासीय नेपालीले आवेदन दिनसक्ने छन् । लगानीकर्ताले कार्यालयको वेभसाइटमा गई आवेदन दिनुपर्ने र त्यस्तो आवेदकलाई बजार निर्माताले रुजु गर्नुपर्ने व्यवस्था रहेको छ ।
रकम बाँडफाँट नभएसम्म व्यक्तिको खातामै रोक्का रहनेछ । बाँडफाँट भएको दिनदेखि तोकिएको दरमा ६\६ महिनामा ब्याज प्रदान गरिने कार्यालयले जनाएको छ ।
सरकारले बजेटमा व्यवस्था गरेको आन्तरिक ऋणको औजारको रुपमा नागरिक बचतपत्र र वैदेशिक रोजगार बचतपत्रलाई समेत लिने गरेको छ । ट्रेजरी बिल र विकास ऋणपत्रमार्फत् बैंक तथा वित्तीय संस्थासँग ऋण लिने गरिन्छ ।
© 2025 All right reserved to khabarcnter.com | Site By : Sobij
