२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । सरकारले सार्वजनिक संस्थानमा ३ खर्ब ९५ अर्ब १९ करोड ३४ लाख रुपैयाँ लगानी गरेको छ ।
सार्वजनिक ऋण व्यवस्थापन कार्यालयका अनुसार ११८ संस्थानमा उक्त रकम बराबरको लगानी गरेको हो ।
संस्थापक शेयरमा ३ अर्ब ७३ करोड ६६ लाख, अग्राधिकार शेयरमा ९ अर्ब ७९ करोड तथा अन्तर्राष्ट्रिय संस्थाको शेयरमा ११ अर्ब ७४ करोड बराबरको शेयर लगानी भएको छ भने नेपाल विद्युत् प्राधिकरणमा कुल १ खर्ब ८१ अर्ब ३३ करोड लगानी रहेको कार्यालयले जानकारी दिएको छ ।
त्यसैगरी, नेपाल आयल निगममा १० अर्ब ९४ करोड, निक्षेप तथा कर्जा सुरक्षण कोषमा ९ अर्ब, हाइड्रोइलेक्ट्रिसिटी इन्भेष्टमेन्ट एण्ड डेभलपमेन्ट कम्पनीमा १२ अर्ब ४७ करोड, अन्तर्राष्ट्रिय मुद्रा कोषमा ६ अर्ब ५९ करोड र नेपाल बैंक लिमिटेडमा ७ अर्ब ४९ करोड बराबरको शेयर लगानी रहेको छ ।
साथै, नेपाल टेलिकममा १६ अर्ब ४७ करोड, राष्ट्रिय वाणिज्य बैंकमा १५ अर्ब ६३ करोड, नेपाल नागरिक उड्डयन प्राधिकरणमा ६२ अर्ब ७४ करोड र कृषि विकास बैंकमा १३ अर्ब ३० करोड रुपैयाँ बराबरको शेयर लगानी रहेको छ ।
© 2025 All right reserved to khabarcnter.com | Site By : Sobij
