२०८२ भाद्र १८ गते बुधवार
२०८२ भाद्र १८ गते बुधवार
काठमाडौं । अमेरिकी राष्ट्रपति डोनाल्ड ट्रम्प चीन भ्रमण गर्ने योजनामा छन् । चिनियाँ राष्ट्रपति सी जिनपिङसँग फोनमा कुरा गरेपछि उनले यस्तो बताएका हुन् । उनले सीलाई पनि अमेरिका भ्रमणको लागि निम्तो दिएका छन् ।
तर दुवै देशले अहिलेसम्म आधिकारिक रूपमा कुनै भ्रमणको पुष्टि गरेका छैनन् । चिनियाँ मिडियाका अनुसार, ह्वाइट हाउसको अनुरोधमा दुई नेताहरूले फोनमा कुरा गरेका हुन् ।
ट्रम्पले आफ्नो सामाजिक सञ्जाल ह्यान्डलमा लेखेका छन् दुई बीचको कुराकानी डेढ घण्टासम्म चलेको थियो । यस अवधिमा धेरैजसो कुराकानी व्यापारबारे थियो । उनले यो पनि लेखेका छन् कि परिणाम दुवै देशका लागि सकारात्मक थियो ।
ओभल अफिसमा जर्मन चान्सलर फ्रेडरिक मेट्र्जसँगको भेटमा ट्रम्पले भने, ‘सी जिनपिङले मलाई चीन आउन आग्रह गरे र मैले उनलाई अमेरिका आउन आमन्त्रित गरेँ । हामी दुवैले यो प्रस्ताव स्वीकार गरेका छौँ ।’ आफू श्रीमतीसँग चीन भ्रमण गर्ने र सी आफ्नी श्रीमतीसँग अमेरिका भ्रमण गर्ने आशा आफूले गरेको उनले बताए ।
यद्यपि, चीनले जारी गरेको विज्ञप्तिमा ट्रम्पलाई दिइएको निमन्त्रणा मात्र उल्लेख गरिएको छ । ह्वाइट हाउसको निमन्त्रणामा त्यसमा उल्लेख गरिएको छैन ।
चीनको आधिकारिक समाचार एजेन्सी सिन्ह्वाका अनुसार, वार्ताका क्रममा सीले ट्रम्पलाई अमेरिकाले चीन विरुद्ध चालिएका नकारात्मक कदमहरू फिर्ता लिनुपर्ने बताएका थिए ।
उनले यो पनि भने कि चीनले सधैँ आफ्ना वाचाहरू पूरा गर्छ र दुवै पक्षले जेनेभामा हालै भएको सम्झौताको पालना गर्नुपर्छ । वास्तवमा, दुवै देशले एकअर्कालाई यो सम्झौता उल्लङ्घन गरेको आरोप लगाइरहेका छन् ।
© 2025 All right reserved to khabarcnter.com | Site By : Sobij
