२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । भन्सार विभागले सार्वजनिक गरेको तथ्याङ्क अनुसार चालु आर्थिक वर्षको १० महिनामा २१ करोड रुपैयाँ बराबरको यार्सागुम्बा निर्यात भएको छ ।
आर्थिक वर्ष २०८१/८२ को साउनदेखि वैशाख मसान्तसम्ममा २१ करोड १८ लाख ४५ हजार रुपैयाँको ४९९ किलो यार्सागुम्बा निर्यात भएको हो ।
उक्त यार्सागुम्बामध्ये सबैभन्दा धेरै हंकङमा ११ करोड २१ लाख १३ हजार रुपैयाँको ५९ किलो, चीनमा ३ करोड ८४ लाख ३९ हजार रुपैयाँको १४४ किलो, सिंगापुरतर्फ १ करोड ८८ लाख ४१ हजार रुपैयाँको २३ किलो, अमेरिकामा १ करोड १ लाख ९० हजार रुपैयाँको २२ किलो र भियतनाममा ६ लाख ८० हजार रुपैयाँको ४० किलो यार्सागुम्बा निर्यात भएको छ ।
साथै, ५९ लाख ३१ हजार रुपैयाँको २२ किलो बेलायत ३९ लाख २१ हजार रुपैयाँको १२ किलो मलेसिया, ४ लाख ५ हजार रुपैयाँको १ किलो जापान र ६ हजार रुपैयाँको १० ग्राम यार्सागुम्बा थाइल्याण्ड निर्यात भएको छ ।
© 2025 All right reserved to khabarcnter.com | Site By : Sobij
