२०८२ मंसिर १२ गते शुक्रवार
२०८२ मंसिर १२ गते शुक्रवार
काठमाडौं । चालु आर्थिक वर्ष २०८१/८२ को १० महिनामा पूर्वीनाका काँकडभिट्टा हुँदै ४ करोड ६१ लाख ३४ हजारको खरबुजा भारतबाट आयात भएको छ ।
यस अवधिमा १७ लाख ६५ हजार ९० केजी खरबुजा नेपाली बजारमा भित्रिएको छ भने स्थानीयले व्यावसायिक रूपमा खरबुजाखेती गर्दै आए पनि भारतबाट आयातित खरबुजाको ठूलो मात्राले स्वदेशी उत्पादनलाई ओझेलमा पार्दै आएको मेची भन्सार कार्यालयको सूचना अधिकारी ईश्वरकुमार हुमागाईंले बताएका छन् ।
विगतको १० महिनामा सबैभन्दा धेरै चैतमा १ करोड ३३ लाख ७ हजार मूल्य बराबरको ५ लाख १० हजार २३० केजी खरबुजा भारतबाट आयात भएको छ ।
भन्सारले दिएको जानकारी अनुसार चालु आर्थिक वर्षको पहिलो महिना साउनमा ६० लाख ५० हजार मूल्य बराबरको २ लाख ३० हजार ८५० केजी, भदौमा ४८ लाख ९८ हजार मूल्य बराबरको १ लाख ८६ हजार १४० केजी, असोजमा ३७ लाख २९ हजार मूल्य बराबरको १ लाख ४१ हजार ४५० केजी, कात्तिकमा २१ लाख ३७ हजार मूल्य बराबरको ८१ हजार २४० केजी, मङ्सिरमा १४ लाख ६६ हजार मूल्य बराबरको ५५ हजार ७८० केजी र पुसमा १२ लाख ४२ हजार मूल्य बराबरको ४७ हजार २६० केजी खरबुजा भारतबाट काँकडभिट्टा हुँदै नेपालमा आयात भएको छ ।
विगत केही वर्षदेखि झापामा व्यावसायिक खरबुजाखेती हुने गरेको छ भने नेपाली उत्पादनले भारतबाट आयातित खरबुजासँग मूल्यमा प्रतिस्पर्धा गर्न नसकेर बिक्रीमा समस्या भइरहेको मेचीनगर-१५ स्थित नेपाली बाबु स्मार्ट कृषि फार्मका सञ्चालक लीला खनालले जानकारी दिएका छन् ।
© 2025 All right reserved to khabarcnter.com | Site By : Sobij
