२०८३ श्रावण २९ गते शुक्रवार
२०८३ श्रावण २९ गते शुक्रवार
.gif)
नेपाल राष्ट्र बैंकको गभर्नर बन्नका लागि भन्दै कार्यकारी निर्देशक गुणाकर भट्टले दिएको राजीनामा स्वीकृत गर्न कामु गभर्नर नीलम ढुंगानाले अस्वीकार गरेकी छिन् ।
राजीनामा पत्र बोकेर भट्ट शुक्रबार बिहान साढे १० बजे गभर्नरको कार्यकक्षमा पुगेका थिए । तर, कामु गभर्नर ढुंगानाले राजीनामा स्वीकृत गर्न अस्वीकार गरेकी हुन् ।
भट्टले राजीनामा दिएकोबारे बुझ्न खोज्दा कामु गभर्नर ढुंगानाले प्रतिक्रिया दिन अस्वीकार गरिन् । डेपुटी गभर्नरबाहेक राष्ट्र बैंकको बहालवाला कर्मचारीलाई गभर्नर सिफारिश गर्न मिल्दैन । गभर्नरको नाम सिफारिशमा पर्नका लागि राजीनामा स्वीकृत हुनै पर्ने बाध्यकारी अवस्था छ । कामु गभर्नरले राजीनामा स्वीकृत गर्न अस्वीकार गरेपछि भट्टलाई धर्मसंकट परेको छ ।
प्रमुख सत्तासाझेदार नेपाली कांग्रेसका सभापति शेरबहादुर देउवाले कार्यकारी निर्देशक भट्टलाई गभर्नर बनाउन दबाब दिएपछि गभर्नर नियुक्ति प्रक्रिया जटिल बनेको हो । राजीनामा स्वीकृत नभइ गभर्नर नियुक्त भएमा यो विवाद सर्वोच्च अदालतसम्म पुग्ने देखिएको छ ।
अर्थमन्त्री विष्णु पौडेलको संयोजकत्वमा रहेको गभर्नर सिफारिश समितिका एकजना सदस्य एवं पूर्व गभर्नर विजयराज भट्टराई भने कार्यकारी निर्देशकलाई गभर्नर सिफारिश गर्न नहुने बताउने गरेका छन् । प्रक्रिया पूरा नभई सिफारिश गरिएका आफूले ‘नोट अफ डिसेन्ट’ लेख्ने उनले सरोकारवालाई जानकारी गराएका छन् ।
© 2026 All right reserved to khabarcnter.com | Site By : Sobij
