मुम्बई । बलिउड बाहिरबाट हेर्दा जति आकर्षक र सुन्दर देखिन्छ, भित्रबाट त्यति नै धेरै रहस्यहरू लुकेका छन् । कतै कुनै स्क्यान्डलको कथा हुन्छ, त कतै कास्टिङ काउच र विवाहबाहेकका सम्बन्ध को आश्चर्य पार्ने रहस्यहरू ।

विगतमा केही सनसनीपूर्ण चर्चाहरू चल्नुको साथै दावीहरू पनि गरिएका थिए जसले सम्पूर्ण बलिउड हल्लाइदिएको थियो । त्यस्ता दावीहरूका कारण राज कपूरदेखि नरगिस, शत्रुघ्न सिन्हा तथा रीना रोयसम्मका थुप्रै कलाकारहरूसमेत मुछिएका थिए । अहिले आएर सलमान खानसंग सम्बन्धि एउटा आश्चर्यजनक खबर बाहिरिएको छ ।

दुबईमा सलमान खानकी श्रीमती र १७ वर्षकी छोरीको चर्चा

अभिनेता सलमान खानको जीवन विवाद र हल्लाले भरिएको छ । धेरै अभिनेत्रीहरूसँग उनको सम्बन्ध रहेता पनि उनी भने अहिलेसम्म अविवाहित छन् ।

फ्यानहरू अझै पनि उनको विवाहको पर्खाइमा छन् । तर गत वर्ष सार्वजनिक एउटा एउटा खबरमा के दावी गरियो भने सलमानको विवाह भइसकेको छ, उनकी श्रीमती दुबईमा बस्छिन् र उनीहरूका १७ वर्षकी छोरी पनि छिन् ।

केही महिलासँग सलमानका तस्बिरहरू पनि भाइरल भए, तरपछि ती दावीहरू झूटा प्रमाणित भए ।

शत्रुघ्न सिन्हा र रीना रोयको बच्चा

८० को दशकमा शत्रुघ्न सिन्हा र रीना रोयको अफेयरको चर्चा थियो । विवाहपछि पनि उनीहरूको सम्बन्धको चर्चा चलिरहेको थियो, जुन कुरा शत्रुघ्नकी पत्नी पूनमलाई थाहा थियो । त्यही समयमा दुवैको एक सन्तान भएको र त्यो सन्तानलाई रिना रायले गोप्य रुपले हुकाएको चर्चा चल्यो । तर, रिना राय र शत्रुघ्न दुबैले उक्त कुरालाई स्वीकार गरेनन् ।

नरगिस दत्तले छोरा सञ्जय दत्तलाई ‘गे’ सम्झिएको चर्चा

राज कपूर र नरगिसबीच पनि प्रेम सम्बन्धको चर्चा थियो । नरगिससँग विवाह गर्न राज कपूरले श्रीमतीसँग सम्बन्ध विच्छेद गर्न अस्वीकार गरेपछि दुवैको ब्रेकअप भयो । त्यसपछि नरगिसले सुनील दत्तसँग विवाह गरिन् । संजय दत्त गे भएको शंका गरेको कुरा उनकी छोरीले खुलासा गरेकी थिइन्।

आमिर खानको अवैध छोरा भएको चर्चा

अभिनेता आमिर खानले दुई विवाह (रीना दत्ता र किरण रावसँग) गरे र दुवैसँग सम्बन्ध विच्छेद पनि भइसकेको छ । तर विवाहित हुँदा–हुँदै पनि आमिरले बेलायती पत्रकार जेसिका हाइन्ससँग सम्बन्ध राखेको चर्चा चलेको थियो । उनले आमिर खान आफ्ना छोराका पिता भएको दावी गरेकी थिइन् । तर आमिरले कहिल्यै यो कुरा सार्वजनिक रूपमा स्वीकार गरेनन् ।

अमिताभ बच्चनको गोप्य छोरीको चर्चा

अमिताभ बच्चनको बाहिरी सम्बन्धबाट एउटा छोरी जन्मिएको चर्चा चलेको थियो । तर यो चर्चा कहिल्यै पुष्टि भएन र कुनै प्रमाण पनि पाइएन । यद्यपि, चर्चा अहिले पनि कहिलेकाहिँ उत्पन्न हुन्छ, तर अमिताभले यस बारेमा केहि बोलेका छैनन् ।

रेखा र अमिताभको गोप्य विवाहको चर्चा, रेखाले लगाउने सिन्दुर अमिताभको नामको

रेखाको बारेमा समय–समयमा विभिन्न चर्चा चलिरहन्छ । खासगरी जब उनी सिन्दूर र मंगलसूत्र लगाएर सार्वजनिक रूपमा देखा पर्छिन्, तब उनले अमिताभ बच्चनसँग गोप्य रूपमा विवाह गरेकको चर्चा चल्छ । तर, यस बारेमा न त अमिताभले केहि बोले न रेखाले नै कुनै स्पष्टिकरण दिएकी छिन् ।

सैफ अली खानको गोप्य बच्चाको चर्चा

सैफ अली खानको पनि एउटा सन्तान भएको चर्चा चलेको थियो । त्यसो त सैफको पहिला श्रीमती अमृता सिंहबाट छोरा र छोरी जन्मिएका छन् भने दोस्रो श्रीमती करीना कपूरबाट दुई छोरा जन्मिएका छन् । यी बाहेक पनि सैफको अर्को एक सन्तान, जुन अमृताख र करीना भन्दा पनि पहिला अर्को महिलाबाट गोप्य रुपमा जन्मिएको चर्चा रहेको छ ।