२०८२ भाद्र १ गते आइतवार
२०८२ भाद्र १ गते आइतवार
काठमाडौं । गत माघमा स्थगित भएको कोशी प्रदेश लगानी सम्मेलन वैशाख १८ र १९ गते हुने भएको छ ।
कोशी प्रदेश लगानी सम्मेलन २०२५ को सचिवालयको संयोजक पवनकुमार तिमल्सेनाले विराटनगरमा आज पत्रकार सम्मेलन गर्दै वैशाख १८ र १९ गते पक्का गर्ने जानकारी दिएका छन् । कोशी प्रदेशमा औद्योगिक वातावरण निर्माण गर्दै रोजगारी सिर्जना गर्न उत्साह प्रदान गर्नको लागि लगानी सम्मेलन हुन लागेको छ ।
नयाँ क्षेत्रहरू खोजी गरी उद्योगहरू स्थापनामार्फत पुँजी निर्माण, गरिबी निवारण र रोजगारी सिर्जना गर्नका लागि प्रेरित गर्ने उद्देश्य रहेको तिमल्सेनाले बताएका छन् । उक्त सम्मेलनमा लगानीकर्ताले झन्डै १ खर्बको परियोजनामा एमओयु हुने प्रदेश लगानी प्राधिकरणका प्रमुख कार्यकारी अधिकृत डा सरोज कोइरालाले जानकारी दिएका छन् । आठ वटा क्षेत्रको करिब ५४ वटा परियोजना सोकेसिड हुने भएको छ ।
© 2025 All right reserved to khabarcnter.com | Site By : Sobij
