२०८२ भाद्र १ गते आइतवार
२०८२ भाद्र १ गते आइतवार
काठमाडौं । शिक्षक सेवा आयोगले माध्यमिक तह, तृतीय श्रेणी, शिक्षक पदका लागि आवेदन माग गरेको छ । पुस २६ गतेको आयोगको निर्णयअनुसार सामुदायिक विद्यालयको माध्यमिक तह तृतीय श्रेणी, शिक्षक पदको खुला तथा समावेशी प्रतियोगितात्मक परीक्षाबाट स्थायी पदपूर्ति गर्न आवेदन माग गरेको हो ।
आयोगले ३६७ पदका लागि विज्ञापन आह्वान गरेको हो । यसअघि गत वर्ष ४३६ पदका लागि विज्ञापन आह्वान गरेको थियो । गत वर्षको तुलनामा यो वर्ष ६९ पदका लागि कम विज्ञापन खोलिएको हो । आयोगले सातै प्रदेशका लागि नेपाली विषयका लागि ५१ जनाको लागि आवेदन माग गरेको छ ।
१८ वर्ष पुरा भई ४० वर्ष ननाघेकाले आवेदन दिन सकिनेछ । तर, वहालवाला स्थायी शिक्षकको हकमा भने उमेर हद नलाग्ने आयोगले जनाएको छ । माध्यमिक तहको स्थायी अध्यापन अनुमति प्राप्त गरेका व्यक्तिले आवेदन दिन पाउनेछन् । सामाजिक विषयको अध्यापन अनुमतिपत्र प्राप्त गरेका व्यक्तिहरूले भने अर्थशास्त्र र स्वास्थ्य तथा शारीरिक विषयको परीक्षामा समेत उम्मेदवार हुन सक्ने आयोगले जनाएको छ ।
संस्कृत तर्फका विषयहरूको हकमा नेपाली विषयमा स्थायी अध्यापन अनुमतिपपत्र प्राप्त गरेका व्यक्तिले समेत आवेदन दिन सक्ने आयोगले जनाएको छ ।
© 2025 All right reserved to khabarcnter.com | Site By : Sobij
