२०८२ भाद्र २६ गते बिहिवार
२०८२ भाद्र २६ गते बिहिवार
रेस क्रसको अन्तर्राष्ट्रिय समिति (आईसीआरसी) ले गाजामा रहेको आफ्नो कार्यालय नजिक भएको आक्रमणमा कार्यालय परिसरमा शरण लिइरहेका २२ जनाको ज्यान गएको बताएको छ । रेड क्रसले शुक्रवार दिउँसो ठूला रकेट अन्तर्राष्ट्रिय समितिको कार्यालय र आवास नजिकै खसेको बताएको बीबीसीले जनाएको छ ।
आक्रमणबाट आईसीआरसी कार्यालय क्षतिग्रस्त भएको छ जहाँ आईसीआरसीका प्यालेस्टिनी सहयोगीसहित सयौँ विस्थापित मानिसहरू भवन परिसरमा पालमा बस्दै आएका थिए । रकेट आक्रमणमा अन्य ४५ जना घाइते भएका खबरमा उल्लेख छ ।
घटनाबारे इजरायली सुरक्षा बल (आईडीएफ) का प्रवक्ताले आईडीएफले त्यस क्षेत्रमा कुनै कारबाही नगरेको र घटनाबारे समीक्षा गरिरहेको बताएको छ । गाजामा हमासद्वारा सञ्चालित स्वास्थ्य मन्त्रालयले भने यो आक्रमणका लागि इजरायललाई जिम्मेवार ठहराएको छ ।
© 2025 All right reserved to khabarcnter.com | Site By : Sobij
