२०८२ मंसिर १४ गते आइतवार
२०८२ मंसिर १४ गते आइतवार
काठमाडौँ । ग्रामीण विकास लघुवित्त वित्तीय संस्था लिमिटेडले वार्षिक साधारणसभा आह्वान गरेको छ । संस्थाले असार १५ गतेका लागि सभा आह्वान गरेको हो ।
सभा कम्पनीको प्रधान कार्यालय बुटवलमा बिहानको ११ बजेदेखि सुरु हुनेछ ।
सभाले गत आर्थिक वर्ष २०७९।८० को वार्षिक प्रतिवेदन, वासलात, नाफा–नोक्सान हिसाब र नगद प्रवाहमाथि छलफल गरी पारित गर्नेछ । त्यस्तै, चालू आवका लागि लेखापरीक्षक नियुक्ति र निजको पारिश्रमिक पनि सभाले निर्धारण गर्नेछ ।
साथै, सभाले अन्य उपयुक्त वित्तीय संस्थासँग एकआपसमा गाभ्ने, गाभिने तथा प्राप्तिका लागि आवश्यक कार्य गर्न सञ्चालक समितिलाई अख्तियारी दिने प्रस्ताव पारित गर्नेछ ।
सभा प्रयोजनार्थ कम्पनीले असार ३ गते बुक क्लोज गर्ने भएको छ । यसर्थ, असार २ गतेसम्म कायम शेयरधनी कम्पनीको साधारणसभामा सहभागिता जनाउन पाउनेछन् ।
© 2025 All right reserved to khabarcnter.com | Site By : Sobij
