२०८२ माघ १२ गते सोमवार
२०८२ माघ १२ गते सोमवार
काठमाडौं । सुदूरपश्चिम प्रदेश सरकारमा संलग्न नागरिक उन्मुक्ति पार्टी (नाउपा)का दुईजना बिनाविभागीय मन्त्रीको जिम्मेवारी बाँडफाँड गरिएको छ । मन्त्रीद्वयको जिम्मेवारी बाँडफाँड आज (बिहीबार) गरिएको सुदूरपश्चिम प्रदेश सरकारले जनाएको छ ।
केही महिना पहिले मुख्यमन्त्री कमलबहादुर शाहले नाउपाबाट बिनाविभागीय मन्त्रीमा लक्ष्मणकिशोर चौधरी र खुसीराम चौधरीलाई नियुक्त गरेका थिए । उनीहरू मन्त्रीमा नियुक्त भए पनि मन्त्रालयको जिम्मेवारी भने सम्हाल्न पाएका थिएनन् ।
लक्ष्मणकिशोर चौधरीलाई सामाजिक विकास मन्त्रालय र खुशीराम चौधरीलाई उद्योग पर्यटन वन तथा वातावरण मन्त्रालयको जिम्मेवारी बाँडफाँड गरेको मुख्यमन्त्री कार्यालयले जनाएको छ ।
मन्त्रीद्वयको आज बिहान ११ बजे पद तथा गोपनीयताको शपथग्रहण हुने उक्त कार्यालयले जनाएको छ । यद्यपि नाउपाको आन्तरिक विवादले भने हालसम्म पार पाउन सकेको छैन ।
नाउपा रञ्जिता श्रेष्ठ पक्षले समर्थन फिर्ता लिनेसम्मको निर्णय गरिसकेको छ भने रेशम चौधरी पक्षले मुख्यमन्त्री शाह नेतृत्वको सरकारमा अनिवार्य संलग्न हुनैपर्ने अडान छोडेको छैन ।
यो पनि पढ्नुहोस्
सुदूरपश्चिम प्रदेश : नाउपाका मन्त्रीद्वयलाई कुन-कुन मन्त्रालयको जिम्मा ?
© 2026 All right reserved to khabarcnter.com | Site By : Sobij
