२०८२ भाद्र २ गते सोमवार
२०८२ भाद्र २ गते सोमवार
काठमाडौँ । त्रिभुवन विश्वविद्यालय इन्जिनियरिङ अध्ययन संस्थानले इन्जिनियरिङ शिक्षाको (बि.ईं/बिआर्क) प्रवेश परीक्षा स्थगित गरेको छ । शनिबार सार्वजनिक विज्ञप्ति जारी गर्दै इन्जिनियरिङ अध्ययन संस्थान डिनको कार्यालयले भदौ ५ गतेदेखि सञ्चालन हुने परीक्षा र भदौ १९ पछिका पूर्वप्रकाशित तालिकाहरू स्थगित भएको जानकारी दिएको हो ।
संस्थानले यसै वर्षबाट भर्ना हुने नयाँ विद्यार्थीहरूलाई लागु हुने गरी आंगिक क्याम्पसको बि.ई/बि.आर्क भर्ना शुल्कमा गरिएको समायोजनापश्चात पक्षहरूबाट भएका ध्यानकर्षणलाई गम्भिर रूपमा लिएको डिनले जनाएको छ ।
साथै संस्थानले समस्या समाधानका लागि सरोकारवाला पक्ष प्रध्यापक, कर्मचारी तथा विद्यार्थी र आन्दोनरत पक्षलाई छलफल तथा वार्तामा सम्मिलित भई उचित निकासहित शैक्षिक वातावरण निर्माण गर्नका लागि सबैमा अपिल समेत गरेको छ ।
संस्थानले बि.ई/बि.आर्क प्रवेश परीक्षा र सार्वजनिक गरिएको भर्ना शुल्क सम्बन्धमा सरोकारवाला पक्षहरूबाट चासो र विरोध भएकोले तत्कालका लागि प्रवेश परीक्षा सम्बन्धी भदौ १९ गते पछिका सम्पूर्ण पूर्व प्रकाशित तालिकाहरू अर्को सूचना प्रकाशित नहुँदासम्मका लागि स्थगित गरिएको जनाएको छ ।
२६ बर्ष यता शुल्कमा केही तात्विक परिवर्तन नभएको भन्दै संस्थानले शुल्क बढाउने निर्णय खारेज नगर्ने जनाएको छ।
हेर्नुहोस् विज्ञप्ति
© 2025 All right reserved to khabarcnter.com | Site By : Sobij
