२०८२ कार्तिक ३० गते आइतवार
२०८२ कार्तिक ३० गते आइतवार
काठमाडौँ । खप्तड लघुवित्त वित्तीय संस्था लिमिटेड र धौलागिरी लघुवित्त वित्तीय संस्था लिमिटेडको भोलि असार १९ गते कम्पनीको वित्तीय कारोबार बन्द हुने भएको छ ।
एकिकृत कारोबारको तयारी स्वरुप असार १९ गते मंगलबार एक दिन दुबै कम्पनीको वित्तीय कारोबार बन्द हुने भएको हो । धौलागिरी र खप्तड लघुवित्तले मर्जर प्रक्रिया पुरा गरी असार २० गतेदेखि एकिकृत कारोबार गर्ने भएको छ ।
गत मंसिर १८ गते मर्जर सम्बन्धि प्रारम्भिक सम्झौता गरेका यी कम्पनीहरूले सात महिनाभित्र एकिकृत कारोबार शुरु गर्न लागेको हो ।
दुई कम्पनी एक भई धौलागिरी लघुवित्त वित्तीय संस्थाको नामबाट एकिकृत कारोबार गर्ने कम्पनीले जनाएको छ । मर्जरपछि बनेको कम्पनीको केन्द्रिय कार्यालय गण्डकी प्रदेश बाग्लुङ जिल्ला, बाग्लुङ नगरपालिका वडा नम्बर २ बाग्लुङमा रहने जानकारी समेत कम्पनीहरूले दिएका छन् ।
मर्जर प्रयोजनका लागि दुबै कम्पनीको शेयर कारोबार भने असार २० गतेदेखि बढीमा १५ कारोबार दिन रोक्का रहनेछ । मर्जर तथा प्राप्ति सम्बन्धित पछिल्लो व्यवस्था बमोजिम एकिकृत कारोबारको दिनदेखि बढीमा १५ कारोबार दिनमात्र शेयर कारोबार रोक्का राख्नुपर्ने व्यवस्था रहेको छ ।
© 2025 All right reserved to khabarcnter.com | Site By : Sobij
