काठमाडौं/१७ असार-प्राविधिक शिक्षा तथा व्यवसायिक तालिम परिषद् (सिटिइभिटी) परीक्षा नियन्त्रण कार्यालयले डिप्लोमा तहको सेमेस्टर परीक्षा प्रणाली अन्तर्गत दोस्रो वर्ष प्रथम खण्ड र तेस्रो वर्ष प्रथम खण्ड नियमित तथा आंशिक परीक्षाको आवेदन फाराम खुला गरेको छ । विभिन्न कार्यक्रमको साउन तथा भदौंमा सञ्चालन हुने परीक्षाको आवेदन फाराम खुला गरेको हो ।
साथै परीक्षार्थीहरुले परीक्षा आवेदन फाराम असार ३१ गतेभित्र नियमित शुल्कमा र साउन ७ गतेसम्म बिलम्ब शुल्कमा फाराम भरिसक्नुपर्ने भएकोले शिक्षालयहरुले अनिवार्य रुपमा विद्यार्थीहरुबाट परीक्षा आवेदन फाराम भराउनुहुन सूचनामा उल्लेख गरिएको छ ।
