२०८२ मंसिर १४ गते आइतवार
२०८२ मंसिर १४ गते आइतवार
काठमाडौँ । दुई कम्पनीको कुल १ लाख ५३ हजार ३३७ दशमलव ६९ कित्ता संस्थापक शेयर विक्री खुला भएको छ ।
डिप्रोक्स लघुवित्त वित्तीय संस्था लिमिटेडको १ लाख १९ हजार कित्ता र सिटिजन्स बैंक इन्टरनेसनलको ३४ हजार ३३७ दशमलव ६९ कित्ता संस्थापक शेयर विक्रीमा आएको हो । दुवै कम्पनीको उल्लिखित शेयर विद्यमान संस्थापक शेयरधनीहरूले मात्र खरीद गर्न पाउने गरी विक्रीमा आएको हो ।
डिप्रोक्स लघुवित्तले विक्रीमा ल्याएको शेयरको मूल्य प्रतिकित्ता ३०६ रूपैयाँ तोकेको छ भने सिटिजन्स बैंक इन्टरनेसनको शेयरको मूल्य प्रतिकित्ता १०६ रूपैयाँ तोकिएको छ ।
शेयर खरीद गर्न इच्छुक सम्बन्धित कम्पनीहरूको विद्यमान संस्थापक शेयरधनीहरूले ३५ दिनभित्र गोप्य शिलबन्दी बोलपत्र पेश गर्न सकिने गरी जेठ ६ गते सूचना जारी भएको हो ।
सिटिजन्स बैंकको शेयर खरीदका लागि बैंकको केन्द्रीय कार्यालय नारायणहिटी पथ, काठमाडौं र डिप्रोक्स लघुवित्तको शेयर खरीदका लागि कम्पनीको कर्पोरेट कार्यालय सीतापाइला, काठमाडौंमा आवेदन पेश गर्नुपर्नेछ । तोकिएको अवधिभित्र विद्यमान संस्थापक शेयरधनीहरूबाट यी शेयर खरीद माग नभएमा अन्य व्यक्ति तथा संस्थाहरूले समेत खरीद गर्न सक्ने गरी विक्री प्रक्रिया अघि बढाइने जानकारी कम्पनीहरूले दिएका छन् ।
© 2025 All right reserved to khabarcnter.com | Site By : Sobij
