२०८२ भाद्र ३ गते मंगलवार
२०८२ भाद्र ३ गते मंगलवार
नेपाल विद्यालय कर्मचारी परिषद् राष्ट्रिय समितिले आज शुक्रबार देशभरका ७५३ वटै पालिका (स्थानीय सरकार)समक्ष पेसागत विभिन्न मागबारे राखेर ध्यानाकर्षण पत्र बुझाउने कार्य सम्पन्न गरेको छ ।
काठमाडौँमा सम्पन्न परिषद्को तेस्रो राष्ट्रिय सम्मेलनबाट सबै पालिका प्रमुखहरूलाई ध्यानाकर्ष पत्र बुझाउने निर्णय भएको थियो । सोही अनुसार ध्यानाकर्षण पत्र बुझाइएको हो । परिषद्ले यस कार्यलाई शान्तिपूर्ण आन्दोलन गरेको ठानेको छ ।
नेपाल विद्यालय कर्मचारी परिषद्का अध्यक्ष गंगाराम तिवारीले ७५३ वटै पालिकामा ध्यानाकर्षण पत्र बुझाउने काम सम्पन्न भएको जानकारी दिए ।
अब आन्दोलनका अन्य कार्यक्रमहरू अगाडि बढाइने बताउँदै अध्यक्ष तिवारीले विद्यालय बन्दको मिति भने परिषद्को बैठकले टुंगो लगाउने जानकारी दिए ।
लामो समयसम्म माग पूरा नगरेको भन्दै सरकारविरुद्ध विद्यालय कर्मचारीहरूले विभिन्न स्वरूपमा आन्दोलन गर्दै आएका छन्।
© 2025 All right reserved to khabarcnter.com | Site By : Sobij
