२०८२ मंसिर ५ गते शुक्रवार
२०८२ मंसिर ५ गते शुक्रवार
काठमाडौँ । सैनिक अदालतले कर्णेल महेन्द्रजंग शाह र लेफ्टिनेन्ट कर्णेल कुलदीप तिमिल्सिनालाई बयानको लागि बोलाएको छ । आर्थिक अनियमितताको आरोपमा सैनिक हिरासतमा रहेका उपरथी प्रेम शाहीलाई सघाएको आरोपमा उनीहरूलाई बयानमा बोलाइएको हो ।
सैनिक प्रवक्ता सहायक रथी कृष्णप्रसाद भण्डारीले शाह र तिमिल्सिनालाई सोधपुछ गर्न बोलाइएको जानकारी दिए । उनीहरुमाथि सैनिक अनुशासन उल्लंघनको आरोप रहेको प्रवक्ता भण्डारीले बताए ।
उपरथी शाहीविरुद्ध छानबिन गर्न सैनिक मुख्यालयले उपरथी बाबुराम श्रेष्ठको नेतृत्वमा समिति बनाएको थियो ।
समितिले बुझाएको प्रतिवेदनअनुसार सैनिक अदालतको प्रक्रियाअनुसार कर्णेल शाह र लेफ्टिनेन्ट कर्णेल तिमिल्सिनालाई नियन्त्रणमा लिइएको जानकारी प्रवक्ता भण्डारीले दिए । ‘उहाँहरुलाई सैनिक अनुशासन उल्लंघनको आरोपमा सोधपुछका लागि बोलाइएको हो, ’ प्रवक्ता भण्डारीले भने ।
© 2025 All right reserved to khabarcnter.com | Site By : Sobij
