२०८२ भाद्र २ गते सोमवार
२०८२ भाद्र २ गते सोमवार
काठमाडौं । दश वर्षे माओवादी ‘जनयुद्ध’का दुई प्रमुख कमाण्डर पुष्पकमल दाहाल (प्रचण्ड) र डा.बाबुराम भट्टराई (लालध्वज) ‘जनयुद्ध’को २५ औं वर्षगाँठका अवसरमा एउटै मञ्चमा उभिने भएका छन् ।
बाबुरामले माओवादी पार्टी छाडेपछि भक्ति पाण्डेको स्मृति दिवस बाहेक विरलै एकै मञ्चमा देखिने दुई नेता शनिवार फागुन १ गते ‘जनयुद्ध’लाई स्मरण गर्न एकै मन्चमा देखिनेछन् ।
यो मौका जुराएका हुन् डा. भट्टराईले । डा. भट्टराईको पुस्तक ‘गुमनाम आमाहरुको कथा’ युद्ध दिवसकै अवसर पारेर सार्वजनिक हुँदैछ । भोली दुवै नेताले प्रधानमन्त्री ओलीको उछितो काड्ने बुझिएको छ।
युद्धकालमा बाबुरामले विभिन्न पत्रिकामा लेखेका र कतिपय अप्रकाशित कथाहरु समेत समेटेर फाइन प्रिन्टले सो पुस्तक प्रकाशन गरेको हो ।
सो पुस्तक विमोचन कार्यक्रममा विभाजित नेकपाका अध्यक्ष प्रचण्ड,नेपाली कांग्रेसका नेता रामचन्द्र पौडेल,जनता समाजवादी पार्टीका नेता अशोक राई र डा. मीना पौडेल तथा अरुण गुप्तो प्रमुख वक्ता रहेको जसपाका नेता विश्वदीप पाण्डेले बताए ।
© 2025 All right reserved to khabarcnter.com | Site By : Sobij
