२०८२ भाद्र ३ गते मंगलवार
२०८२ भाद्र ३ गते मंगलवार
शिक्षा तथा मानव विकास केन्द्रले यस वर्ष बढुवा गर्नुपर्ने शिक्षकको सङ्ख्या शिक्षक सेवा आयोगलाई पठाएको छ । केन्द्रका अनुसार प्राथमिक तह प्रथम श्रेणीमा १३८ जना र द्वितीय श्रेणीमा ७५९ जनाको बढुवा गरिनेछ ।
त्यस्तै निम्न माध्यमिक तह प्रथम श्रेणीमा २१ जना र द्वितीय श्रेणीमा १६७ जनाको बढुवा गर्न आयोगसमक्ष तथ्याङ्क पठाइएको छ ।
केन्द्रका एक सहसचिवले दिएको जानकारीअनुसार माध्यमिक तह प्रथम श्रेणीमा ३७ जना र द्वितीय श्रेणीमा १६६ जनाको बढुवा गरिनेछ ।
यसैबीच आयोगले कार्यतालिकाअनुसार माध्यमिक तहका लागि नयाँ शिक्षक पदपूर्तिका लागि विज्ञापन आह्वान गर्ने तयारी गरेको छ । कार्यतालिका अनुसार पुस मसान्तसम्ममा विज्ञापन आह्वान गरिसक्नुपर्ने छ ।
आयोगका एक पदाधिकारीले गत वर्ष माग गरिएको अन्य तहको नतिजा सार्वजनिक हुने क्रम जारी रहे पनि माध्यमिक तहको विज्ञापनलाई त्यसले कुनै असर नपर्ने बताए ।
© 2025 All right reserved to khabarcnter.com | Site By : Sobij
