शिक्षा तथा मानव स्रोत विकास केन्द्रले राष्ट्रपति शैक्षिक सुधार कार्यक्रम अन्तर्गतका क्रियाकलापहरु कार्यान्वयनका लागि निर्देशन दिएको छ । केन्द्रले सूचना जारी गर्दै भौतिक पूर्वाधार निर्माण र आइसीटी ल्याब निमार्ण कार्यक्रम कार्यान्वयन प्रक्रिया सार्वजनिक गर्दै निर्देशन दिएको हो ।

विद्यालय भौतिक पूर्वाधार विकास कार्यक्रम अन्तर्गत दुइ कोठे र चार कोठे भवन निर्माणका लागि, सूचना प्रविधि प्रयोगशाला तथा पुस्तका लायका लागि अनुदान कार्यक्रम अन्तर्गत आइसीटी ल्याब निमार्णको कार्यक्रम प्राप्त गर्ने विद्यालयहरुको विस्तृत विवरण सार्वनजिक भइसकेको जनाएको छ ।

त्यसैगरी स्थानीय तहले एउटा कार्यक्रमको बजेट अर्कोमा खर्च गर्न नपाउने गरी सबै स्थानीय तहलाई बजेट निकासा गर्न शिक्षा तथा मानव स्रोत विकास केन्द्रले निर्देशन दिएको छ ।

केन्द्रले हरेक महिना कार्य प्रगति प्रतिवेदन सम्बन्धित स्थानीय तहमा पेस गर्नु पर्ने र स्थानीय तहले त्रैमासिक रुपमा सम्बन्धित शिक्षा विकास तथा समन्वय एकाइमा र एकाइले प्रगति विवरण तयार गरी केन्द्रमा पठाउन निर्देशन दिएको छ ।

हेर्नुहोस सूचना :

https://www.cehrd.gov.np/file_data/mediacenter_files/media_file-1-544470879.pdf