२०८२ मंसिर १४ गते आइतवार
२०८२ मंसिर १४ गते आइतवार
पछिल्लो एक सातामै वाणिज्य बैंकहरुमा ३० अर्ब रुपैयाँ निक्षेप थप भएको छ । नेपाल बैंकर्स एसोसिएसनले सार्वजनिक गरेको तथ्यांकअनुसार कात्तिक ११ देखि १८ गतेसम्मको अवधिमा ३० अर्ब निक्षेप थप भएको हो । यद्यपि अघिल्ला केही हप्ता निक्षेप घटेको थियो ।
कात्तिक ११ गतेसम्म कुल ४५ खर्ब २४ अर्ब रुपैयाँ निक्षेप संकलन भएकोमा १८ गतेसम्म ४५ खर्ब ४५ अर्ब पुगेको छ । असोज मसान्तको तुलनामा भने अझै निक्षेप २ अर्ब घटेको छ । असोज मसान्तसम्म वाणिज्य बैंकहरुमा कुल ४५ खर्ब ४७ अर्ब रुपैयाँ निक्षेप संकलन भएको थियो । कर्जा प्रवाह पनि बढ्न सकेको छैन ।
असोज मसान्तदेखि कात्तिक १८ गतेसम्म जम्मा ४ अर्ब थप कर्जा प्रवाह भएको छ । असोज मसान्तसम्म कुल ४२ खर्ब २० अर्ब रुपैयाँ कर्जा प्रवाह भएकोमा कात्तिक १८ गतेसम्म ४२ खर्ब २४ अर्ब पुगेको छ ।
© 2025 All right reserved to khabarcnter.com | Site By : Sobij
