२०८२ मंसिर १३ गते शनिवार
२०८२ मंसिर १३ गते शनिवार
श्रृजनशील लघुवित्त वित्तीय संस्था लिमिटेडको आईपीओ बाँडफाँड भोलि हुने भएको छ । आईपीओ बाँडफाँड धितोपत्र बिक्री प्रबन्धक सनराइज क्यापिटलको काठमाडौं कमलपोखरीस्थित कार्यालयमा हुनेछ ।
आईपीओ बाँडफाँड कार्यक्रम बिहान ९ः३० बजे राखिएको छ । लघुवित्तले भदौ १५ गतेदेखि भदौ १९ गतेसम्म आईपीओ बिक्री गरेको थियो । यो लघुवित्त १०० रुपैयाँ अंकित दरका कुल ३ लाख ९३ हजार ७५० कित्ता आईपीओ बिक्री गरेको थियो ।
जसमा ५ प्रतिशतले हुन आउने १९ हजार ६९० कित्ता सामूहिक लगानी कोष र ०.५ प्रतिशतले हुन आउने ५ हजार ४७० कित्ता कर्मचारीका लागि छुट्याइएको थियो । बाँकी ३ लाख ६८ हजार ५९० कित्ताका लागि सर्वसाधारणले आवेदन दिएका छन् ।
यो आईपीओमा १९ लाख ५ हजार १८६ आवेदकले कुल २ करोड ९ लाख ६४ हजार ५० कित्ताका लागि आवेदन दिएका छन् । मागभन्दा बढी आवेदन परेकै कारण यो आईपीओ पनि गोलाप्रथाबाट बाँडफाँड हुनेछ ।
गोलाप्रथाबाट भाग्यमानी ३६ हजार ८५९ जनाले मात्र १० कित्ताका दरले सेयर पाउनेछन् । यो हिसाबले साढे १८ लाख बढीको हात खाली हुने भएको छ ।
© 2025 All right reserved to khabarcnter.com | Site By : Sobij
