बैंकले विभिन्न व्यापारीक फर्महरु, उद्योगहरु र अन्य व्यवसायीक संस्थाहरुलाई निजहरुको चालु सम्पत्ती तथा दायित्वहरुको नियमित मूल्यांकन गरेर मागकर्तालाई आवश्यक पर्ने चालु पुँजी कर्जा प्रदान गर्दछ । साथै ऋण माग कर्ताको चालु सम्पत्ती तथा दायित्वहरुको नियमित मूल्यांकन गरेर कर्जा सीमा निर्धारण गर्दछ । व्यापारमा स्टक कायम गर्न, आपूर्तिकर्तालाई अग्रिम भुक्तानी गर्न र उठ्नु पर्ने बाँकी रकमको व्यवस्थापन गर्नका लागि चालु पुँजीको आवश्यकता हुने गर्दछ ।

बैंकले व्यवसाय संचालन गर्नको लागि छोटो अवधिको लागि चालु पुँजी कर्जा प्रदान गर्छन । साथै उद्योग, व्यापार तथा व्यवसाय र सेवा क्षेत्रमा आवश्यक पर्ने विभिन्न कर्जाहरुको मागपुरा गर्नका लागि चालु पूंजीकर्जा प्रदान गरिन्छ ।

बैंकले व्यवसायीक संस्था तथा सार्वजनिक क्षेत्रको लगानी रहेको व्यवसायलाई आवश्यक पर्ने कोषमा आधारित तथा गैर कोषमा आधारित कर्जा सुविधा प्रदान गर्ने गरेका छन । कोषमा आधारित कर्जा सुविधाहरुमा बैंकले अधिबिकर्ष कर्जा, डिमाण्ड कर्जा, बिल डिस्काउण्ट आदि छन् भने गैर कोषमा आधारित कर्जा सुविधाहरुमा प्रतितपत्र, बैंक ग्यारेण्टी आदि रहेका छन् ।

राष्ट्र बैंकले परिभाषित गरे अनुरुप चालु पुँजी कर्जाको चार प्रकार छन्ः

क्यास क्रेडिट कर्जा

औद्यौगीक एवम् व्यापारिक कम्पनीरफर्मरसंस्थाको चालु सम्पत्ति व्यवस्थापनका लागि सोही चालु सम्पत्ति धितोलाई दृष्टिबन्धक, धरौट बन्धक अथवा धितोबन्धक राखी बैंक तथा वित्तीय संस्थाले प्रदान गर्ने नवीकरण योग्य कर्जालाई क्यास क्रेडिट कर्जा भनिन्छ।

अल्पकालीन अवधिको कर्जा

औद्यौगीक एवम् व्यापारिक कम्पनीरफर्मरसंस्थाको अल्पकालीन चालु पुँजीको आवश्यकतालाई पूर्ति गर्न सोही चालु सम्पत्ति धितोलाई दृष्टिबन्धक, धरौट बन्धक अथवा धितोबन्धक गरी निश्चित अवधि तोकी एकमुष्ट कर्जा प्रवाह र एकमुष्ट भुक्तानी हुने गरी बैंक तथा वित्तीय संस्थाले प्रदान गर्ने कर्जालाई अल्पकालीन अवधिको कर्जा भनिन्छ । यस्ता कर्जा निश्चित अवधिका लागि जारी हुन्छन् र नविकरण हुन सक्दैनन् ।

आयात निर्यातसँग सम्बन्धित कर्जा

औद्यौगीक तथा व्यापारिक प्रयोजनका लागि खोलिएका प्रतीतपत्र वा अन्य माध्यमबाट मालसामान आयात निर्यात गर्दारगराउँदा प्रफोर्मा इन्भोइस मा उल्लेखित रकमको सीमासम्मको रकम भुक्तानी गर्ने प्रयोजनका लागि प्रदान गरिने कर्जालाई आयात निर्यातसँग सम्बन्धित कर्जा भनिन्छ । यस कर्जाअन्तर्गत ट्रस्ट रिसिट लगायतका कर्जा पर्दछन्।

चालु पुँजी प्रयोजनको आवधिक कर्जा

व्यवसायको चालु पुँजीको आवश्यकता मूल्यांकन गर्दा स्थिर प्रकृतिको आवश्यकता स्थायी वर्किङ्ग क्यापिटल आवश्यक्ताको अनुमानित आधारमा कम्तीमा पाँच वर्ष अवधिको आवधिक कर्जा प्रभाह हुने गर्दछ । यस्तो कर्जालाई चालु पुँजी प्रयोजनको आवधिक कर्जा अन्तर्गत राखिने गरिन्छ ।  (दैनिक अनलाइन)