२०८२ मंसिर १३ गते शनिवार
२०८२ मंसिर १३ गते शनिवार
नेपाल स्टक एक्सचेञ्ज (नेप्से) ले हिमाल दोलखा हाइड्रोपावर कम्पनी लिमिटेडकाे काराेबार राेक्का गरेकाे छ । कम्पनीसँग ३ दिने स्पष्टिकरण माग गर्दै नेप्सेले कम्पनीकाे काराेबार राेक्का गरेकाे हाे ।
गत शुक्रबार ११ बजे नेप्सेको कारोबार समयभित्र कम्पनीको सञ्चालक समितिको बैठकले आफ्ना सेयरधनीहरुलाई १:०.७५ प्रतिशत हकप्रद सेयर दिने विशेष प्रस्ताव गरेको थियाे ।
धितोपत्र सूचीकरण विनियमावली, २०७५ मा भएको व्यवस्था अनुसार विनियम २२(१) बमोजिम जानकारी नगराएको र सोही दिन कारोबार समयमा बैठक बसी धितोपत्रको कारोबार तथा मूल्यसँग सम्बन्धित संवेदनशिल सूचना तथा जानकारी सर्वसाधारणलाई सूचनाको पहुँचबाट सो कम्पनीका पदाधिकारीबाट बञ्चित गराई धितोपत्रको मूल्यमा प्रभाव पारेको नेप्सेकाे सूचनामा उल्लेख छ ।
त्यस्तै धितोपत्र सूचीकरण सम्बन्धी सम्झौता पत्रको बुदाँ नं. १० मा भएको व्यवस्था अनुसार संगठित संस्थाको धितोपत्र दर्ता किताब बन्द गर्नुपर्ने भएमा सोको कारण तथा बन्द रहने अवधि सहितको जानकारी कम्तिमा ७ दिन अगाडी नेप्सेलाई दिनुपर्नेछ भन्ने व्यवस्था रहेकोमा कम्पनीले उक्त सम्झौता समेत उलंघन गरेको भन्दै नेप्सेले ऐ. विनियमावलीको विनियम १६(ख) मा भएको व्यवस्था अनुरुप कम्पनीकाे काराेबार राेक्का गरेकाे छ ।
कम्पनीले के कति कारणबाट नेप्सेको कारोबार समयभित्र सञ्चालक समितिको बैठकले आफ्ना सेयरधनीहरुलाई हकप्रद सेयर दिने विशेष प्रस्ताव गरेको हो ? र शेयरधनी दर्ता कितावको सूचना के कति कारणबाट नेप्सेमा ७ (सात) दिन अगाडी जानकारी नदिएको हो ? ३ (तीन) कार्यदिन भित्र के कति कारणबाट समयमानै जानकारी दिन नसकेको हो ? सो सम्बन्धमा स्पष्टिकरण पेश गर्न अनुराेध गरेकाे छ ।
© 2025 All right reserved to khabarcnter.com | Site By : Sobij
