२०८२ आश्विन २९ गते बुधवार
२०८२ आश्विन २९ गते बुधवार
शिक्षा, विज्ञान तथा प्रविधि मन्त्रालय, छात्रवृत्ति शाखा केशरमहलले छात्रवृत्तिमा पाकिस्तानमा अध्ययन गर्न इच्छुकलाई आवेदन दिन सूचित गरेको छ ।
शाखाले सूचना जारी गर्दै पीटीएपी (पाकिस्तान टेक्निकल एसिस्टेन्स प्रोग्राम) कार्यक्रम अन्तर्गत बीएस्सी इन्जिनियरिङ विषयको छात्रवृत्तिमा साधारण तथा आरक्षण तर्फ कायम गरिएको सिटमा आवेदन माग गरेको हो ।
इच्छुक उम्मेदवारले साउन ४ देखि १० गते सम्ममा आवेदन दिन सक्ने शाखाले जनाएको छ । बीएस्सी इन्जिनियरिङ विषयमा पाकिस्तान सरकारबाट प्रदान भएको ६ सिट मध्ये साधारण तर्फ ३ सिट, मधेसीका लागि १, महिलाका लागि १ र जनजातिका लागि १ सिट संख्या तोकेको छ ।
तोकेको योग्यता पुरा गरेका र त्रिवि इन्जिनियरिङ अध्ययन संस्थान पुल्चोकबाट २०७८ सालमा लिइएको प्रवेश परीक्षाको योग्यता क्रम सूचीमा सूचीकृत भएका विद्यार्थीले आवेदन दिन सक्ने सूचनामा उल्लेख गरिएको छ ।
© 2025 All right reserved to khabarcnter.com | Site By : Sobij
