२०८२ भाद्र ४ गते बुधवार
२०८२ भाद्र ४ गते बुधवार
नेपाल शिक्षक महासंघले विद्यालयमा कार्यरत कार्यलय सहयोगि र लेखापालको तलब बढाउन सरकारलाई दबाब दिएको छ । बालकक्षाका शिक्षकहरुको दुई हजारले बढे पनि विद्यालय कर्मचारीहरुको तलब नबढेपछि तलब बढाउन सरकारलाई दबाब दिएको हो ।
आज नेपाल शिक्षक महासंघका अध्यक्ष कमला तुलाधर र महासचिव लक्ष्मीकिशोर सुवेदीले शिक्षा, विज्ञान तथा प्रविधि मन्त्रालयमा पक्षीकरण गर्दे बालकक्षाका शिक्षकहरुको सरह कार्यलय सहयोगिको तलब वृद्धि गर्न दबाब दिएको जानकारी दिए ।
बालकक्षाका शिक्षकका लागि संघीय सरकारले उपलब्ध गराउँदै आएकोे वृद्धी भएको तलब सहित १० हजारमा पालिकाले दिनुपर्ने ७ हजार गरी १७ हजार तलब र सोही अनुसारको कार्यलय सहयोगिको पनि वृद्धि गरी वजेट कार्यक्रम कार्यान्वयन पुस्तिकामा उल्लेख गरी पठाउन दबाब दिएको अध्यक्ष कमला तुलाधर बताइन ।
त्यसैगरी विद्यालय लेखापाल कर्मचारीहरुको पनि १३ हजार ५ सयमा २ सय वृद्धिगरी १५ हजार ५ सय तलब संघीय सरकारले उपलब्ध गराउनुपर्ने र त्यसमा पालीकाले ७ हजार थप गरी २२ हजार ५ सय तलब उपलब्ध गराउन भनिएको तुलाधरले जानकारी दिइन ।
जबसम्म बालकक्षाका शिक्षकको वृद्धि भएको तलब सहित १७ हजार, सोही अनुसार कार्यलय सहयोगीको तलब र लेखापालको २२ हजार ५ सय तलब वजेट कार्यक्रम कार्यान्वयन पुस्तिकामा लेखिदैन तबसम्म हामी ढुक्क हुने अवस्था छैन । त्यसैले पनि दबाब दिइरहेका छौं ।” उनले उक्त तलब वजेट कार्यक्रम कार्यन्वयन पुस्तिकामा नलेखिएकै कारण पालिकाहरुले दुःख दिएको समेत बताईन ।
साथै निजामती कर्मचारी र शिक्षक विच रहेको ग्रेडवृद्धी र तलबको विभेद पनि तत्काल हटाउन दबाब दिएको महासचिब लक्ष्मीकिशोर सुवेदीले जानकारी दिए ।
© 2025 All right reserved to khabarcnter.com | Site By : Sobij
