२०८२ मंसिर १३ गते शनिवार
२०८२ मंसिर १३ गते शनिवार
सरकारले बुढीगण्डकी जलविद्युत् आयोजनाको वातावरण, मुआब्जा वितरण, पुनर्वास तथा पुनर्स्थापना इकाइको संयोजकमा जगतकुमार श्रेष्ठलाई नियुक्त गरेको छ । करिब एक महिनायता प्रमुख बिहिन भएकामा ऊर्जा मन्त्रालयले जगत कुमार श्रेष्ठलाई नयाँ प्रमुखमा नियुक्त गरेको हो ।
प्रमुख नहुँदा डुबान प्रभावित सबै घरधनीमा सरकारले निर्णय गरे बमोजिम घर गोठ लगायत बाँकी मुआब्जा वितरण प्रक्रिया सुरु हुन नसकेकामा अब यो कार्य अघि बढ्ने विश्वास लिइएको छ ।
श्रेष्ठ इन्जिनियरिङ अध्ययन संस्थानअन्तर्गतको पूर्वाधार विकास अध्ययन केन्द्रका निर्देशन तथा पुल्चोक क्याम्पस सिभिल इन्जिनियरिङ विभागका सह–प्राध्यापक हुन् । आयोजना प्रभावित जिल्ला गोरखा स्थायी ठेगाना रहेका श्रेष्ठले सिभिल इन्जिनियरिङमा पोर्चुगलबाट पीएचडी गरेका छन् ।
© 2025 All right reserved to khabarcnter.com | Site By : Sobij
